ꤜꤟꤢꤩꤟꤣ ꤔꤢ .PDF ꤢ꤬ꤑꤢꤩ꤭ ꤡꤤ꤬ ꤙꤤꤛꤢꤩ꤭
ꤜꤤ꤬ꤤ꤬ꤞꤝꤥ (꤁)
ꤒꤟꤢꤧ꤬ꤤ꤬ꤞꤛꤥ (꤁)
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤢ꤬ ꤗꤢ꤬ꤢꤨ꤭ꤕꤢꤩ꤭?
ꤞꤛꤢꤖꤢꤨ ꤕꤟꤢꤧ꤬ ꤊꤤ꤬ ꤞꤢꤧꤑꤢꤩ꤭ ꤒꤟꤢ꤭ꤒꤢꤩ꤬ ꤚꤛꤢ ꤔꤢ ꤊꤢ꤬ꤛꤢ꤭ ꤒꤣ꤬ꤕꤚꤟꤢꤧ꤬ꤕꤚꤟꤢꤧ꤬ ꤢ꤬ꤑꤢꤩ꤭ ꤙꤤ ꤕꤟꤢꤧ꤬ ꤟꤢꤩꤙꤢꤧ꤬ꤞꤢꤧꤑꤢꤩ꤭ ꤜꤢꤨ꤭ ꤢ꤬ꤋꤢꤧ꤭ ꤢꤧꤒꤢ꤬ꤊꤤ꤬ ꤒꤟꤢꤧ꤬ꤏꤢꤨ꤬ꤘꤛꤢ꤭ ꤥ꤬ꤓꤛꤢ꤬ ꤘꤣ ꤞꤢꤧꤕꤜꤢꤪ꤬ꤊꤢꤨ꤭ ꤔꤛꤢꤩ꤭ꤡꤣ꤬꤯
“ꤢꤧ꤬ꤗꤢ꤬ ꤢꤨ꤭ꤕꤢꤩ꤭?” “ ꤢ꤬ ꤗꤟꤢꤩ꤬ ꤒꤟꤢꤧ꤬ꤗꤟꤢꤩ꤬ ꤤ꤭ꤒꤢꤩ꤭?”
ꤙꤤ ꤕꤟꤢꤧ꤬ ꤗꤛꤢꤕꤟꤢꤨ꤭ꤞꤢꤧꤑꤢꤩ꤭ ꤙꤛꤢ꤬ꤡꤢꤧ꤬ꤛꤢꤩꤏꤛꤢꤨ ꤢ꤬ꤚꤤ꤬ꤢ꤬ꤊꤛꤢ꤭ ꤘꤣ ꤜꤤ꤬ꤡꤢ꤭ꤏꤢꤧ꤭ ꤊꤢꤨ꤭ ꤢ꤬ꤋꤢꤧ꤭ꤔꤌꤣ꤬ ꤞꤢꤧꤐꤟꤢꤦꤞꤢꤧꤑꤢꤩ꤭ ꤚꤟꤢꤩ ꤔꤛꤢ꤭ꤕꤚꤢꤧ ꤒꤟꤢꤧ꤬ꤏꤢꤨ꤬ꤘꤛꤢ꤭ ꤛꤢꤩ꤭ ꤔꤛꤢꤩ꤭ꤡꤣ꤬ꤕꤚꤢꤧ꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤔꤟꤢꤩꤔꤟꤤꤘꤢꤦ꤮ ꤚꤢꤪ “ꤊꤢ꤬ꤛꤢ꤭ꤒꤢ꤬ꤟꤢꤩ꤬ ꤟꤢꤩ ꤠꤢ꤭ ꤔꤢ ꤢꤨ꤭ꤕꤢꤩ꤭?” ꤢ꤬ꤏꤢꤨ꤬ꤘꤛꤢ꤭ ꤔꤢꤪ ꤢ꤬ꤋꤥ꤭ꤕꤢ꤬ꤡꤟꤢꤧ ꤞꤤ꤭ꤖꤢꤨꤔꤌꤣ꤬꤯ ꤙꤤ ꤢ꤬ꤋꤥ꤭ꤕꤢ꤬ꤡꤟꤢꤧ ꤒꤢ꤬ꤟꤢꤩ꤬ ꤟꤢꤩꤏꤥ꤬ꤜꤟꤌꤣ꤭ ꤓꤌꤣ꤭ ꤕꤟꤢꤩꤟꤢꤪ ꤜꤢꤨ꤭ ꤔꤢ ꤢꤨ꤭ ꤒꤢ꤬ꤔꤟꤢꤩ꤬ꤞꤢꤦ ꤒꤢ꤬ꤔꤢꤩ꤬ꤙꤛꤢ꤭ ꤜꤢꤨ꤭ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤋꤢꤧ꤭ꤔꤌꤣ꤬ ꤢ꤬ꤏꤢꤨ꤬ꤘꤛꤢ꤭ ꤚꤟꤢꤧ꤭ ꤢ꤬ꤋꤥ꤭ꤕꤢ꤬ꤡꤟꤢꤧ ꤒꤢ꤬ꤟꤢꤩ꤬ ꤔꤢ “ꤞꤤ꤭ ꤊꤟꤌꤣ꤭ꤜꤢꤩ꤭ ꤞꤤ꤭ ꤒꤢ꤬ꤔꤢꤩ꤬ ꤠꤢ꤭ ꤔꤢ ꤢꤨ꤭ꤕꤢꤩ꤭?”
ꤙꤤꤔꤌꤣ꤬ ꤢ꤬ꤏꤛꤣꤢ꤬ꤋꤢꤧ꤭ ꤒꤟꤢꤧ꤬ꤏꤢꤨ꤬ꤘꤛꤢ꤭ ꤔꤌꤣ꤬ꤒꤢ꤬ꤟꤢꤩ꤬ꤗꤢ꤬ ꤢ꤬ꤜꤥ꤬ꤘꤢꤨ꤬ꤔꤛꤢꤡꤢꤪ, ꤢ꤬ꤞꤛꤢꤖꤢꤨꤔꤌꤣ꤬ꤟꤢꤪ ꤒꤟꤢꤧ꤬ꤏꤢꤨ꤬ꤘꤛꤢ꤭ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤜꤥ꤬ꤘꤢꤨ꤬ ꤒꤟꤌꤣꤕꤢ꤭ ꤊꤟꤢꤩꤋꤥ꤭ꤑꤟꤢꤡꤢꤪ꤯ ꤒꤟꤢꤧ꤬ꤏꤢꤨ꤬ꤘꤛꤢ꤭ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤒꤟꤢꤧ꤬ꤟꤢꤩꤏꤢꤦ꤬ ꤔꤌꤣ꤬ꤗꤢ꤬ ꤢ꤬ꤗꤟꤢ ꤟꤢꤪ ꤋꤚꤤꤖꤢꤨ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤢ꤬ꤋꤢ꤭ꤏꤛꤢꤩꤋꤢ꤭ꤚꤛꤢ꤬ ꤟꤢꤪ, ꤜꤟꤢꤩꤗꤛꤢꤕꤟꤢ꤭ꤨ ꤞꤢꤧꤑꤢꤩ꤭ ꤜꤤ꤬ꤡꤢ꤭ꤏꤢꤧ꤭ꤛꤢꤩ꤭ ꤢ꤬ꤋꤢ꤭ꤏꤛꤢꤩꤋꤢ꤭ꤚꤛꤢ꤬꤮ ꤗꤢ꤬ ꤢ꤬ꤗꤟꤢꤗꤟꤢ꤯ ꤢ꤬ꤚꤟꤢꤩꤜꤣ ꤊꤤ꤬ ꤗꤛꤢꤕꤢꤨ꤭ꤞꤢꤧꤑꤢꤩ꤭ ꤓꤌꤣ꤭ꤟꤢꤪ “ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤢ꤬ ꤢꤨ꤭ꤕꤢꤩ꤭?” ꤢ꤬ꤚꤤ꤬ꤢ꤬ꤊꤛꤢ꤭ꤕꤢ꤭ ꤘꤣ ꤔꤛꤢꤩ꤭ꤗꤟꤢ꤭ꤒꤣ꤬ꤗꤟꤢ꤭ ꤢ꤬ꤊꤢꤨ꤭ꤔꤌꤣ꤬ ꤙꤢꤧ꤬ꤗꤛꤢꤕꤟꤢꤨ꤭ꤞꤢꤧꤑꤢꤩ꤭ ꤊꤢꤩ꤬ “ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤟꤢꤩ꤬ ꤒꤟꤢꤧ꤬ꤗꤟꤢꤩ꤬ ꤤ꤭ꤒꤢꤩ꤭?” ꤒꤟꤢꤧ꤬ꤏꤢꤨ꤬ꤘꤛꤢ꤭ ꤔꤌꤣ꤬ꤒꤣ꤬ꤊꤟꤌꤣ꤬ ꤢ꤬ꤚꤤ꤬ꤢ꤬ꤊꤛꤢ꤭ꤕꤟꤢ꤭꤯
꤁꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤥ꤬ꤓꤝꤟꤥ꤭ꤕꤚꤟꤢꤧ꤬ ꤖꤢꤨ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭
꤁꤯ ꤢꤨ꤭ ꤙꤢꤩ꤬ꤜꤟꤌꤣ꤭ꤓꤛꤢ꤬ ꤡꤢꤪꤗꤢ꤬ꤚꤛꤢ꤬ ꤢ꤬ꤖꤢꤨꤋꤢꤨ꤭ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤒꤟꤢꤧ꤬ꤥ꤬ꤕꤢ꤬ꤡꤟꤢꤧꤜꤟꤛꤢ꤬ ꤖꤢꤨꤒꤢꤩ꤭? (ꤊꤢ꤬ꤜꤢ꤬ꤒꤤ ꤄:꤄꤯ ꤟꤢꤩꤊꤟꤢꤦꤚꤟꤢꤩ - ꤖꤢꤧ꤭ꤡꤢꤪꤗꤢ꤬ꤚꤛꤢ꤬ ꤕꤜꤝꤥ꤭ꤟꤛꤢ꤭ꤜꤟꤛꤢ꤬ ꤜꤢꤨ꤭ ꤚꤢꤪ ꤢ꤬ꤗꤟꤌꤣ ꤗꤟꤢ ꤕꤚꤟꤢꤧ꤬ꤜꤟꤢꤨ꤬ ꤊꤢ꤬ꤛꤢ꤭ ꤔꤌꤣ꤬ ꤥ꤬ꤕꤢ꤬ꤡꤟꤢꤧꤜꤟꤛꤢ꤬ꤔꤟꤤꤜꤢꤨ꤭꤯
꤂꤯ ꤕꤢ꤬ꤡꤟꤢꤧ ꤛꤢꤩ꤬ꤏꤛꤢꤨ ꤥ꤬ꤕꤢ꤬ꤡꤟꤢꤧꤜꤟꤛꤢ꤬ ꤙꤤꤒꤢꤩ꤭ꤒꤢ꤬ꤖꤥ꤬ꤒꤢꤩ꤭? (ꤗꤢꤞꤢꤧ꤯ ꤂:꤁)
ꤞꤛꤢꤖꤢꤨ ꤊꤤ꤬ꤞꤢꤧꤑꤢꤩ꤭ ꤒꤟꤢ꤭ꤕꤜꤢꤨꤜꤟꤢꤪ꤭ ꤕꤢ꤬ꤡꤟꤢꤧ ꤛꤢꤩ꤬ꤏꤛꤢꤨ ꤒꤟꤢꤧ꤬ꤥ꤬ꤕꤢ꤬ꤡꤟꤢꤧꤜꤟꤛꤢ꤬ ꤢ꤬ꤑꤢꤩ꤭ ꤟꤣ ꤘꤣ ꤗꤢꤞꤢꤧ ꤁:꤁꤈ ꤒꤟꤌꤣꤘꤣ ꤂:꤁꤂ ꤓꤌꤣ꤭ ꤜꤢꤨ꤭ꤊꤢ꤬ ꤁:꤁꤆ ꤒꤟꤌꤣꤘꤣ ꤂:꤂꤀ ꤔꤌꤣ꤬ꤔꤤ꤯
꤃꤯ ꤘꤣ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤕꤢ꤬ꤡꤟꤢꤧꤋꤢꤧ꤭ ꤢ꤬ꤞꤛꤢꤔꤢ ꤕꤢ꤬ꤡꤟꤢꤧ ꤘꤣ ꤢ꤬ꤚꤌꤣ꤬ ꤒꤢ꤬ꤟꤢꤩ꤬ ꤖꤢꤨꤒꤢꤩ꤭?
(ꤜꤢꤨ꤭ꤊꤢ꤬ ꤂:꤅)
---------------------------------------------------------------------------------------------------------------------------------------------------------------------------------------꤯
꤄꤯ ꤙꤤ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨ ꤘꤟꤌꤣ꤬ꤢꤩ꤬ꤓꤌꤣ꤭ ꤏꤢꤧ꤬ꤢꤩ꤬ ꤢ꤬ꤑꤢꤩ꤭(꤄꤀) ꤢ꤬ꤋꤢꤧ꤭ ꤘꤣ ꤢ꤬ꤊꤢꤨ꤭ꤔꤌꤣ꤬ ꤢ꤬ꤓꤝꤟꤥ꤭ꤓꤛꤢ꤬ꤖꤢꤨꤒꤢꤩ꤭?
(ꤗꤢꤞꤢꤧ꤯ ꤄:꤂)꤯--------------------------------------------------------------------------------------------------------------------------------------------------------------------꤯
꤅꤯ ꤘꤣ (ꤛꤥ꤭ꤟꤢ꤬꤯ ꤄:꤆) ꤢ꤬ꤊꤢꤨ꤭ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤢ꤬ ꤢ꤬ꤗꤟꤢ ꤢ꤬ꤕꤚꤟꤢꤧ꤬ꤜꤢꤨ꤬ꤊꤢ꤬ꤛꤢ꤭ ꤒꤣ꤬ꤕꤚꤟꤢꤧ꤬ꤔꤌꤣ꤬ ꤢ꤬ꤚꤢ꤭ꤜꤟꤌꤣ꤭ ꤖꤢꤨꤒꤢꤩ꤭?
----------------------------------------------------------------------------------------------------------------------------------------------------------------------------------꤯
꤆꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤤ꤬ꤞꤛꤥꤤ꤬ꤞꤛꤢ꤭ ꤓꤌꤣ꤭ꤟꤢꤪ ꤢꤨ꤭ ꤒꤣ꤬ꤑꤢꤩ꤭꤮ ꤗꤟꤢꤪꤟꤢꤩ ꤢ꤬ꤋꤢꤧ꤭ ꤢ꤬ꤗꤟꤢꤩ꤬ꤗꤢ꤬ꤤ꤭ꤒꤢꤩ꤭?
(ꤗꤢ꤬ꤊꤢꤨ꤯ ꤄:꤃꤅)
----------------------------------------------------------------------------------------------------------------------------------------------------------------------------------------------꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤒꤢ꤬ꤔꤟꤢꤩ꤬ ꤕꤢꤩ ꤊꤢ꤬ꤛꤢ꤭ ꤘꤣ ꤢ꤬ꤞꤢꤧꤕꤜꤢꤧ꤭ꤞꤢꤧꤐꤟꤢꤪ꤬ ꤔꤌꤣ꤬ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ ꤖꤢꤨꤒꤢꤩ꤭?꤯ (ꤛꤥ꤭ꤟꤢ꤬꤯꤁꤁:꤃꤅)
-----------------------------------------------------------------------------------------------------------------------------------------------------------------------------------------------꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤥ꤬ꤓꤝꤟꤥ꤭ꤕꤚꤟꤢꤧ꤬ ꤙꤤ ꤟꤢꤩ꤬ꤋꤢꤨ꤬ꤛꤢꤩ꤭ ꤚꤢꤪ ꤢ꤬ꤗꤟꤢꤩ꤬ꤊꤛꤢ꤭ ꤒꤟꤢꤧ꤬ꤗꤟꤢꤩ꤬ ꤔꤌꤣ꤬ ꤒꤢ꤬ꤟꤢꤩ꤬ ꤗꤟꤢꤩ꤬ꤜꤢ꤬ꤗꤟꤢꤩꤊꤛꤢ꤭ꤗꤢ꤬ ꤢ꤬ꤡꤟꤛꤢꤒꤥ꤬꤯ ꤢ꤬ꤒꤟꤢꤧ꤬ꤗꤟꤢꤩ꤬ ꤔꤌꤣ꤬ꤒꤢ꤬ꤟꤢꤩ꤬ ꤗꤢ꤬ ꤢ꤬ꤗꤟꤢꤩ꤬ ꤖꤢꤨ ꤕꤚꤟꤢꤧ꤬ꤜꤢꤨ꤬ ꤊꤢ꤬ꤛꤢ꤭ ꤒꤣ꤬ꤕꤚꤟꤢꤧ꤬ ꤗꤟꤢꤩ꤬ꤒꤟꤢꤧ꤬ ꤔꤌꤣ꤬ꤕꤚꤢꤧ꤯ ꤢ꤬ꤗꤟꤢꤩ꤬ꤖꤢꤨ ꤒꤢ꤬ꤔꤢꤩꤗꤟꤢꤪꤋꤢꤨ꤬ꤖꤢꤨ ꤔꤌꤣ꤬ ꤗꤟꤢꤒꤥ꤬꤯ ꤐꤟꤥ꤬ ꤘꤣ ꤢ꤬ꤥ꤬ ꤔꤢ ꤔꤟꤢꤩꤊꤜꤢꤪ ꤒꤥ꤬ ꤔꤌꤣ꤬ꤒꤢ꤬ꤟꤢꤩ꤬ ꤗꤟꤢꤒꤥ꤬ꤒꤥ꤬꤯ ꤒꤟꤢꤧ꤬ ꤘꤣ ꤢ꤬ꤡꤤꤢ꤬ꤐꤟꤢ꤭ ꤔꤛꤢ꤬ꤡꤢꤪ ꤒꤢ꤬ꤡꤣ꤬ꤚꤢꤪ ꤢ꤬ꤗꤟꤢ ꤒꤥ꤬ꤒꤥ꤬꤯ ꤢꤧ꤬ꤗꤢ꤬ ꤕꤚꤟꤢꤧ꤬ꤜꤢꤨ꤬ꤊꤢ꤬ꤛꤢ꤭ ꤒꤣ꤬ꤕꤚꤟꤢꤧ꤬ꤕꤚꤢꤧ꤯
ꤢ꤬ꤓꤝꤟꤥ꤭ ꤕꤚꤢꤧ ꤊꤢ꤬ꤛꤢ꤭ ꤒꤢ꤬ꤘꤣ꤬ꤚꤢꤪ ꤢ꤬ꤒꤟꤢꤧ꤬ꤞꤢꤦ ꤥ꤬ꤒꤥ꤬
꤈꤯ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤔꤌꤣ꤬ ꤒꤟꤢꤧ꤬ꤤ꤬ꤜꤥ꤬ ꤤ꤬ꤜꤛꤢ ꤙꤢꤧ꤬ꤜꤢꤨ꤭ ꤞꤛꤢꤔꤢ ꤊꤢ꤬ꤛꤢ꤭ꤒꤢ꤬ꤟꤢꤩ꤬ꤔꤌꤣ꤬ꤕꤚꤢꤧ꤯ ꤒꤣ꤬ꤘꤣ꤬ꤚꤢꤪ ꤢ꤬ꤋꤥꤔꤢ ꤢꤨ꤭ ꤖꤢꤨꤒꤢꤩ꤭? (ꤟꤤꤙꤚꤢꤨ꤯꤄:꤁꤅)
----------------------------------------------------------------------------------------------------------------------------------------------------------------------------------------꤯
꤉꤯ ꤘꤣ (ꤛꤥ꤭ꤟꤢ꤬꤯꤈:꤄꤆) ꤢ꤬ꤊꤢꤨ꤭ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤟꤢꤩ ꤛꤢꤨꤘꤢ꤬ ꤖꤢꤨ ꤔꤌꤣ꤬ꤒꤢ꤬ꤟꤢꤩ꤬ ꤖꤢꤨꤒꤢꤩ꤭?
------------------------------------------------------------------------------------------------------------------------------------------------------------------------------------------꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤢ꤬ ꤡꤢꤪꤗꤢ꤬ꤚꤛꤢ꤬ ꤒꤣ꤬ꤕꤚꤟꤢꤧ꤬
ꤊꤢ꤬ꤛꤢ꤭ ꤒꤢ꤬ꤟꤢꤩ꤬ꤟꤢꤩ꤬ ꤟꤢꤩ ꤜꤢ꤬ꤟꤛꤢ꤭ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤔꤢ ꤢꤧ꤬ꤗꤢ꤬ ꤊꤢ꤬ꤛꤢ꤭ ꤘꤣ ꤢ꤬ꤋꤥꤢ꤬ꤋꤛꤢꤩ꤬ ꤊꤜꤢꤪ꤭ ꤔꤢ ꤢꤨ꤭ ꤒꤣ꤬ꤕꤚꤟꤢꤧ꤬꤯ ꤒꤢ꤬ꤟꤢꤩ꤬ꤟꤢꤩ꤬ ꤚꤢꤪ ꤢ꤬ ꤟꤢꤩ ꤜꤢꤨ꤭ ꤔꤢ ꤊꤢ꤬ꤛꤢ꤭ ꤘꤣ ꤢ꤬ ꤗꤟꤢꤩ꤬ꤓꤢꤩ꤬ꤞꤢꤧ꤭ ꤒꤟꤢꤧ꤬ꤡꤢꤪꤙꤢꤧ꤭꤯ ꤗꤟꤢꤒꤥ꤬ꤚꤢꤪ ꤕꤚꤟꤢꤧ꤬ꤕꤚꤟꤥ꤬ ꤒꤣ꤬ꤕꤚꤟꤢꤧ꤬ ꤖꤢꤨꤔꤌꤣ꤬꤯ ꤗꤢ꤬ꤔꤢꤚꤢꤪ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤔꤟꤢꤩꤔꤟꤤꤘꤢꤦ꤬ ꤟꤢꤩꤘꤛꤢꤩ ꤢ꤬ꤔꤟꤢꤩ ꤔꤢ ꤢꤧ꤬ꤗꤢ꤬ ꤡꤢꤪꤗꤢ꤬ꤚꤛꤢ꤬ ꤒꤣ꤬ꤕꤚꤟꤢꤧ꤬꤯ ꤢ꤬ ꤟꤢꤩ ꤍꤟꤥ ꤛꤢꤩ꤭ ꤒꤣ꤬ꤗꤢꤦ꤭ ꤢ꤬ ꤊꤤ꤬ ꤗꤟꤢ ꤜꤢ꤬ꤊꤥ꤭ ꤒꤥ꤬ ꤟꤢꤩꤗꤢ꤬ ꤕꤟꤢꤧ꤬ꤢꤧ ꤕꤚꤢꤧ ꤢꤧ꤬ ꤔꤢ ꤊꤢ꤬ꤛꤢ꤭ꤚꤛꤢ ꤒꤣ꤬ꤕꤚꤟꤢꤧ꤬ ꤔꤌꤣ꤬꤮ ꤚꤢꤪ ꤢ꤬ꤊꤢꤪ꤬ꤒꤥ꤬꤯ ꤕꤟꤢꤧ꤬ꤊꤢꤪ꤬ ꤢꤧ ꤕꤚꤢꤧ ꤢꤧ꤬ ꤔꤢ ꤊꤢ꤬ꤛꤢ꤭ ꤘꤣ ꤢ꤬ ꤜꤢ꤬ꤟꤥ꤭ꤜꤢ꤬ꤟꤛꤢ꤬ ꤒꤣ꤬ꤕꤚꤟꤢꤧ꤬ꤕꤚꤢꤧ꤯
ꤘꤣ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤥ꤬ꤕꤢ꤬ꤡꤟꤢꤧꤜꤟꤛꤢ꤬ ꤟꤤꤒꤥ꤬ ꤢ꤬ꤔꤢ꤬ (꤇꤅꤀) ꤢ꤬ꤋꤢꤧ꤭ꤔꤌꤣ꤬ ꤕꤚꤟꤢꤧ꤬ꤕꤚꤟꤥ꤬ ꤒꤢ꤬ꤟꤢꤩ꤬ ꤘꤣ꤬ꤑꤢ꤭ ꤥ꤬ꤔꤟꤢꤩ꤬ꤓꤌꤣ꤭ꤟꤢꤪ ꤔꤢ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤊꤟꤢꤦꤚꤟꤢꤩ ꤥ꤬ꤕꤢ꤬ꤡꤟꤢꤧꤜꤟꤛꤢ꤬ ꤢ꤬ꤚꤤ꤬ꤢ꤬ꤊꤛꤢ꤭ ꤔꤌꤣ꤬ꤟꤢꤪ꤯ (ꤛꤢ꤬ꤏꤛꤢꤛꤢ꤬꤯ ꤉:꤆)
꤁꤀꤯ ꤖꤢꤧ꤭ꤙꤛꤢ꤬ꤡꤢꤧ꤬ ꤡꤢꤪꤗꤢ꤬ꤚꤛꤢ꤬ ꤢꤧ ꤖꤢꤨꤋꤢꤨ꤭ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤖꤢꤨꤒꤢꤩ꤭?
(ꤟꤤꤙꤚꤢꤨ ꤁:꤈)
-------------------------------------------------------------------------------------------------------------------------------------------------------------------------------------꤯
꤁꤁꤯ ꤘꤣ (ꤛꤥ꤭ꤟꤢ꤬ ꤅:꤂꤃) ꤢ꤬ꤊꤢꤨ꤭ꤔꤌꤣ꤬ ꤖꤢꤨꤋꤢꤨ꤭ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤔꤌꤣ꤬ ꤢ꤬ ꤒꤢ꤬ꤚꤛꤢꤩ꤭ ꤘꤢꤨ꤬ ꤊꤚꤟꤢꤦ꤭ꤑꤢ꤬ ꤔꤢ ꤢꤨ꤭ꤕꤢꤩ꤭?
-------------------------------------------------------------------------------------------------------------------------------------------------------------------------------------------꤯
꤁꤂꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤋꤥ꤭ꤕꤢ꤬ꤡꤟꤢꤧ ꤒꤢ꤬ꤟꤢꤩ꤬ ꤗꤛꤢꤓꤛꤢꤩ꤬ꤟꤢꤪ ꤔꤢ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤕꤟꤢꤩ ꤓꤛꤢꤩ꤭ꤟꤢꤟꤥꤘꤢꤨ꤬ ꤢ꤬ꤋꤢꤧ꤭ ꤢ꤬ꤗꤟꤢꤩ꤬ꤜꤢ꤬ꤟꤛꤢ꤭ꤖꤢꤨꤒꤢꤩ꤭? (ꤗꤢꤞꤢꤧ ꤁꤄: ꤂꤂-꤃꤃)
----------------------------------------------------------------------------------------------------------------------------------------------------------------------------------꤯
꤁꤃꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤋꤥ꤭ꤕꤢ꤬ꤡꤟꤢꤧ ꤋꤢꤨ꤭ꤞꤥꤗꤢ ꤢꤧ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤖꤢꤨꤒꤢꤩ꤭?
(ꤛꤥ꤭ꤟꤢ꤬ ꤂꤀:꤂꤇-꤂꤈)
-----------------------------------------------------------------------------------------------------------------------------------------------------------------------------꤯
ꤟꤢꤩꤊꤟꤢꤦꤚꤟꤢꤩ ꤞꤢꤚꤢꤘꤢꤨ꤬ (ꤏꤥ꤬ꤊꤢ꤬ꤚꤢꤩꤞꤤ) ꤊꤤ꤬ ꤟꤛꤢ꤭ꤔꤟꤌꤣ꤭ ꤘꤣ ꤕꤟꤢꤧ꤬ꤟꤤ꤬ꤘꤢꤪꤊꤢꤨ꤭ ꤟꤢꤩꤗꤢ꤬ ꤕꤟꤢꤧ꤬ ꤤ꤬ꤓꤢꤪ꤬ ꤙꤢꤩ꤬ꤐꤟꤢꤦꤙꤢꤩ꤬ꤑꤟꤢ ꤏꤢꤦ꤬ ꤜꤟꤢꤪ꤭ ꤜꤢ꤬ꤟꤛꤢ꤭ ꤢꤧ꤬ꤕꤢ꤭꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤊꤤ꤬ ꤟꤛꤢ꤭ꤔꤟꤌꤣ꤭ ꤘꤣ ꤟꤤ꤬ꤘꤢꤪꤊꤢꤨ꤭ ꤟꤢꤩꤗꤢ꤬ ꤕꤟꤢꤧ꤬ ꤜꤟꤢꤪ꤭꤮ ꤕꤜꤤ꤭ ꤥ꤬ꤔꤛꤢ꤭ꤘꤢꤍꤢꤦ꤬ ꤡꤢꤪꤙꤢꤧ꤭ꤓꤛꤢ꤬ ꤜꤟꤢꤪ꤭ ꤜꤢꤨ꤭ ꤕꤢ꤭꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤢ꤬ ꤡꤢꤪꤗꤢ꤬ꤚꤛꤢ꤬ ꤒꤣ꤬ꤕꤚꤟꤢꤧ꤬ ꤢ꤬ꤚꤤ꤬ꤢ꤬ꤊꤛꤢ꤭ ꤔꤌꤣ꤬ ꤗꤛꤢꤕꤟꤢꤨ꤭ꤞꤢꤧꤑꤢꤩ꤭ ꤕꤟꤥ ꤘꤣ (ꤟꤤꤙꤚꤢꤨ ꤁ ꤔꤢ ꤊꤢ꤬ꤜꤢꤪ꤬ꤡꤢꤧ ꤁:꤁꤅-꤂꤀) ꤔꤌꤣ꤬ꤟꤢꤩꤗꤢ꤬ ꤢ꤬ꤥ꤬ꤢꤧ꤮ ꤕꤢ꤭ꤔꤛꤢ꤬ꤡꤢꤪ꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤢ꤬ ꤡꤢꤪꤗꤢ꤬ꤚꤛꤢ꤬ꤒꤣ꤬ꤕꤚꤟꤢꤧ꤬ ꤢ꤬ꤒꤟꤢꤧ꤬ꤘꤛꤢꤩꤜꤟꤌꤣ꤭ꤓꤛꤢ꤬ ꤒꤢ꤬ꤟꤢꤩ꤬
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤔꤌꤣ꤬ꤗꤢ꤬ ꤢ꤬ꤗꤝꤟꤤ꤭ ꤥ꤬ ꤢꤧ꤮ ꤔꤛꤢ꤬ꤡꤢꤪ꤯ ꤡꤢꤪꤗꤢ꤬ꤚꤛꤢ꤬ ꤢ꤬ꤖꤢꤨꤋꤢꤨ꤭, ꤕꤚꤟꤢꤧ꤬ꤜꤢꤨ꤬ꤊꤢ꤬ꤛꤢ꤭, ꤕꤚꤟꤢꤧ꤬ꤗꤟꤢꤩ꤬ꤏꤤ꤭ꤕꤜꤢꤧꤊꤟꤢ꤬, ꤙꤛꤢ꤬ꤡꤢꤧ꤬, ꤞꤢꤚꤢ, ꤗꤢꤩ꤬ꤏꤤꤛꤢ꤬, ꤙꤛꤢ꤬ꤡꤢꤧ꤬---- ꤔꤢ ꤗꤓꤟꤤ꤭ ꤘꤣ ꤢ꤬ꤚꤌꤣ꤬ ꤔꤌꤣ꤬ ꤢ꤬ ꤥ꤬ꤢꤧ꤮ ꤔꤛꤢ꤬ꤡꤢꤪ꤯ ꤘꤣ ꤜꤤ꤬ꤛꤥ꤭ꤟꤢ꤬ ꤢ꤬ꤊꤢꤨ꤭ꤔꤌꤣ꤬ ꤢ꤬ ꤟꤢꤩ ꤔꤢ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤝꤟꤤ꤭ ꤗꤢ ꤢꤨ꤭ ꤢꤧ ꤢꤧ꤬ ꤔꤢ ꤒꤟꤢꤧ꤬ꤜꤟꤢ꤭ꤒꤟꤢꤧ꤬ꤍꤟꤥ꤯ ꤗꤟꤢꤩ꤬ꤒꤢꤩ꤭ꤟꤢꤩꤚꤢꤪ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤔꤌꤣ꤬ꤗꤢ꤬ ꤢ꤬ꤗꤟꤢ ꤡꤢꤪꤗꤢ꤬ꤚꤛꤢ꤬ ꤢ꤬ꤜꤟꤢ꤭ꤢ꤬ꤍꤟꤥ ꤘꤣ ꤢ꤬ꤓꤝꤟꤥ꤭ꤕꤚꤟꤢꤧ꤬, ꤘꤣ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤢ꤬ꤑꤢꤩ꤭ ꤔꤌꤣ꤬ꤟꤢꤪ꤯
꤁꤄꤯ ꤒꤟꤢꤧ꤬ꤜꤟꤢ꤭ꤒꤟꤢꤧ꤬ꤍꤟꤥ (ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ) ꤔꤌꤣ꤬ ꤢ꤬ ꤢ꤬ꤥ꤬ ꤙꤤꤒꤢꤩ꤭ꤋꤢꤧ꤭ꤒꤢꤩ꤭?
(ꤛꤥ꤭ꤟꤢ꤬ ꤁:꤁, ꤛꤥ꤭ꤟꤢ꤬꤯꤁꤄:꤁꤇)
---------------------------------------------------------------------------------------------------------------------------------------------------------------------------------------꤯
꤁꤅꤯ ꤘꤣ (ꤗꤢꤞꤢꤧ ꤂꤈:꤁꤈) ꤢ꤬ꤊꤢꤨ꤭ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤟꤢꤩꤔꤢ
---------------------------------------------------------------------------------------------------------------------------------------------------------------------------------------꤯
꤁꤆꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤒꤢ꤬ꤚꤛꤢꤩ꤭ ꤔꤌꤣ꤬ꤗꤢ꤬-
(ꤊ) ꤗꤢꤞꤢꤧ ꤈:꤂꤃-꤂꤇ -------------------------------------------------------------------------- (ꤋ) ꤜꤢꤨ꤭ꤊꤢ꤬ ꤄:꤄꤀ --------------------------------------------------------------
(ꤌ) ꤜꤢꤨ꤭ꤊꤢ꤬ ꤄:꤃꤃-꤃꤆--------------------------------------------------------------------- (ꤍ) ꤛꤥ꤭ꤟꤢ꤬ ꤁꤁:꤃꤃-꤄꤀) ---------------------------------------------------------
꤁꤇꤯ ꤘꤣ (ꤗꤢ꤬ꤊꤢꤨ ꤂:꤃-꤁꤂) ꤢ꤬ꤊꤢꤨ꤭ꤔꤌꤣ꤬ ꤢ꤬ꤙꤢꤩ꤬ꤜꤟꤌꤣ꤭ꤓꤛꤢ꤬ ꤔꤢ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤐꤟꤢ꤬ꤏꤤ꤭ꤗꤟꤢꤩꤡꤟꤛꤢ ꤊꤢ꤬ꤛꤢ꤭ ꤘꤣ ꤢ꤬ꤘꤢ ꤢ꤬ꤒꤢ꤬ꤚꤟꤢꤨ꤬ ꤔꤌꤣ꤬ꤒꤢ꤬ꤟꤢꤩ꤬ ꤔꤢ ꤢ꤬ꤒꤢ꤬ꤚꤛꤢꤩ꤭ ꤓꤌꤣ꤭ꤒꤥ꤬ ꤢ꤬-------------------ꤢꤨ꤭ -------------ꤗꤢ꤬ ꤢ꤬ꤔꤟꤤꤔꤟꤤ꤯
꤁꤈꤯ ꤘꤣ (ꤛꤥ꤭ꤟꤢ꤬ ꤁꤀:꤁꤀) ꤢ꤬ꤊꤢꤨ꤭ꤔꤌꤣ꤬ ꤙꤛꤢꤡꤢꤧ꤬ꤛꤢꤩ꤬ꤏꤛꤢꤨ ꤟꤛꤢ꤭ꤜꤟꤛꤢ꤬ ꤘꤣ ꤟꤢꤩ꤬ꤋꤢꤨ꤬ ꤛꤢꤩ꤭ ꤒꤟꤢꤧ꤬ꤚꤤ꤬ꤒꤟꤢꤧ꤬ꤊꤛꤢ꤭ ꤢꤧꤡꤣ꤬ ꤢ꤬ꤊꤜꤢꤧ꤭ ꤒꤣ꤬ꤡꤣ꤬ ꤔꤌꤣ꤬ꤗꤢ꤬ ----------------------------------------------------------------------------------------------------------------------------------------------------------------------------------------------꤯
꤁꤉꤯ ꤘꤣ (ꤛꤥ꤭ꤟꤢ꤬ ꤅:꤂꤁) ꤢ꤬ꤊꤢꤨ꤭ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤗꤢ꤬
---------------------------------------------------------------------------------------------------------------------------------------------------------------------------------------꤯
꤂꤀꤯ ꤞꤛꤢꤖꤢꤨ ꤊꤟꤢꤦ ꤔꤟꤤ ꤙꤢꤧ꤬ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤣ꤬ꤡꤟꤢꤨꤕꤚꤟꤢꤧ꤬ ꤒꤥ꤬ ꤢ꤬ꤑꤢꤩ꤭ ꤗꤢ꤬ꤤ꤭ꤒꤢꤩ꤭ ꤗꤟꤢꤩ꤬ ꤘꤤ꤭ꤘꤛꤢ꤭ ꤒꤟꤢ꤭ꤒꤟꤢꤦ꤭ ꤡꤟꤛꤢ ꤒꤢꤩ꤭?
(ꤛꤥ꤭ꤟꤢ꤬꤯꤅:꤄꤀)-------------------------------------------------------------------------------------------------------------------------------------------------------------------꤯
꤂꤁꤯ ꤒꤢ꤬ꤔꤟꤢꤩ꤬ꤒꤟꤢ꤭ꤒꤟꤢꤩ꤬ ꤊꤟꤢ꤬ꤋꤛꤢꤩ꤭ ꤋꤛꤢꤩ꤭ꤞꤛꤢ ꤒꤟꤢꤧ꤬ꤏꤢꤨ꤬ꤘꤛꤢ꤭ ꤔꤢ ꤔꤟꤢꤧ꤬ꤒꤟꤢꤧ꤬ꤟꤢꤩꤏꤢꤦ꤬ ꤔꤌꤣ꤬ꤒꤢ꤬ꤟꤢꤩ꤬ꤔꤤ꤯ ꤢ꤬ꤙꤢꤧ꤬ꤊꤛꤢ ꤔꤢ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤛꤢ꤭ꤛꤢꤩ꤭ ꤔꤟꤢꤧ꤬ ꤔꤟꤤꤙꤢꤧ꤬ ꤕꤟꤥ ꤒꤟꤢꤧ꤬ꤐꤟꤢꤦꤒꤟꤢꤧ꤬ꤑꤟꤢ ꤢ꤬ꤞꤢꤧ꤭ ꤖꤢꤨꤒꤢꤩ꤭? ꤔꤟꤢꤧ꤬ꤗꤛꤢꤓꤛꤢꤩ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤖꤢꤨꤒꤢꤩ꤭?
----------------------------------------------------------------------------------------------------------------------------------------------------------------------------------------------------
----------------------------------------꤯
ꤒꤟꤢꤧ꤬ꤤ꤬ꤞꤛꤥ (꤂)
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤒꤟꤢꤧ꤬ꤗꤟꤢꤩ꤬
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤟꤢꤩ꤬ ꤗꤢ꤬ꤤ꤭ꤒꤢꤩ꤭? ꤐꤟꤢ꤬ꤏꤤ꤭ꤗꤟꤢꤩ ꤊꤢ꤬ꤛꤢ꤭ꤏꤝꤤ ꤊꤢ꤬ꤛꤢ꤭ꤏꤢꤧ꤭, ꤗꤟꤢꤩ꤬ ꤤ꤬ꤓꤢꤪ꤬ꤋꤛꤢꤩ꤭ ꤊꤢ꤬ꤛꤢ꤭ꤞꤛꤢꤩ꤭, ꤙꤟꤌꤣ꤬ꤢꤩ꤬ ꤊꤢ꤬ꤛꤢ꤭ ꤙꤢꤧꤗꤟꤢꤨ꤬ ꤘꤣ ꤢ꤬ꤞꤢꤧꤠꤤ꤭ꤞꤢꤧꤢꤩ꤬ ꤔꤌꤣ꤬ꤒꤢ꤬ꤟꤢꤩ꤬, ꤢ꤬ ꤓꤝꤟꤥ꤭ ꤕꤚꤟꤢꤧ꤬ ꤘꤣ ꤢꤨ꤭ꤙꤢꤪꤞꤝꤥꤋꤢꤧꤋꤥ꤭ ꤒꤟꤌꤣ ꤊꤟꤌꤣ꤭ ꤜꤢꤨ꤭ ꤒꤥ꤬ ꤔꤢ ꤕꤚꤟꤢꤧ꤬ꤒꤟꤢꤧ꤬ꤞꤢꤦꤖꤢꤨ ꤢ꤬ꤋꤥ꤭ꤙꤢꤪꤞꤝꤥ꤯ ꤢ꤬ ꤒꤟꤢꤧ꤬ꤟꤢꤩꤙꤢꤧ꤬ꤔꤌꤣ꤬ ꤢ꤬ꤜꤣꤙꤢ꤭ ꤔꤢ ꤒꤟꤢꤧ꤬ꤞꤤꤒꤟꤢꤧ꤬ꤖꤢꤧ ꤔꤢ ꤒꤢ꤬ꤚꤛꤢꤩ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤕꤚꤟꤢꤧ꤬ ꤘꤣ ꤢ꤬ꤔꤟꤤꤟꤌꤣ꤭ꤒꤢ꤬ꤟꤢꤩ꤬ ꤢ꤬ ꤒꤢ꤬ꤕꤟꤢ꤬ꤋꤛꤢꤩꤞꤢꤧꤡꤢꤪ ꤢꤧ꤬ꤞꤤ꤭ ꤡꤢꤪ꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤘꤣ ꤢ꤬ꤜꤝꤥ꤬ ꤔꤢ ꤒꤟꤢꤧ꤬ꤞꤢꤦꤔꤌꤣ꤬ ꤢ꤬ꤓꤝꤟꤥ꤭ꤓꤛꤢ꤬ ꤒꤟꤢꤧ꤬ꤗꤛꤢꤙꤛꤢꤙꤢꤦ꤭ ꤔꤢ ꤒꤟꤢꤧ꤬ꤤ꤬ꤞꤝꤥ ꤘꤣ ꤊꤢ꤬ꤛꤢ꤭ ꤘꤣ ꤢ꤬ꤞꤢꤧꤑꤢꤩ꤭ ꤜꤢꤨ꤭ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤑꤢꤩ꤭꤯ꤓꤌꤣ꤭ꤚꤢꤪ ꤞꤛꤢꤖꤢꤨ ꤢ꤬ꤊꤤ꤬ꤋꤛꤢꤞꤛꤢꤩ꤭ ꤢ꤬ꤔꤟꤢꤩ ꤖꤢꤨ ꤕꤚꤟꤢꤧ꤬ꤒꤟꤢꤧ꤬ꤞꤢꤦꤖꤢꤨ ꤒꤣ꤬ꤕꤚꤟꤢꤧ꤬ ꤢ꤬ꤑꤢꤩ꤭ ꤢ꤬ꤘꤛꤢꤩꤒꤟꤢ꤭ꤊꤛꤢ꤭ ꤢ꤬ꤔꤟꤢꤩ ꤘꤣ ꤢ꤬ ꤋꤢꤨ꤬ꤚꤛꤢ꤬ ꤒꤢ꤬ꤟꤢꤩ꤬ ꤢ꤬ ꤒꤢ꤬ꤋꤢꤨ꤬ꤊꤢꤨ꤭꤯ ꤙꤛꤢ꤬ꤡꤢꤧ꤬ꤛꤢꤩ꤬ ꤏꤛꤢꤨ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤔꤢ ꤢ꤬ ꤒꤟꤢꤧ꤬ꤤ꤬ꤞꤝꤥꤤ꤬ꤞꤛꤢ꤭ ꤒꤢ꤬ꤟꤢꤩ꤬ ꤢ꤬ ꤜꤥ꤬ꤘꤢꤨ꤬ ꤔꤛꤢ꤬ꤡꤢꤪ꤯ ꤗꤢ꤬ꤔꤢꤚꤢꤪ ꤢ꤬ꤒꤟꤢꤧ꤬ ꤒꤟꤢ꤬ꤐꤛꤢꤩ꤬ꤥ꤬ꤔꤢꤩ꤬ ꤘꤣ ꤢ꤬ꤜꤥ꤬ꤘꤢꤨ꤬ ꤜꤣ ꤔꤌꤣ꤬ꤗꤢ꤬ ꤕꤟꤢꤧ꤬ꤗꤛꤢꤓꤛꤢꤩ꤬ ꤘꤣ ꤢ꤬ꤒꤟꤢꤧ꤬ꤋꤛꤢꤞꤛꤢꤩ꤭, ꤒꤟꤢꤧ꤬ꤞꤛꤢꤩ꤭ꤤ꤬ꤓꤢꤪ꤬ꤊꤟꤢ꤬ꤋꤛꤢꤩ꤭ ꤋꤛꤢꤩ꤭ꤞꤛꤢ ꤔꤢ ꤢ꤬ ꤒꤟꤢꤧ꤬ꤊꤟꤢ꤬ꤊꤢ꤬ꤓꤛꤢ꤬ ꤘꤣ ꤗꤢꤪꤋꤢꤨ꤬ꤔꤌꤣ꤬ꤕꤚꤢꤧ꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤋꤛꤢꤞꤛꤢꤩ꤭ ꤘꤣ ꤕꤟꤢꤧ꤬ꤒꤟꤢꤧ꤬ꤞꤢꤦ ꤢ꤬ꤑꤢꤩ꤭꤯
꤁꤯ ꤒꤢ꤬ꤔꤢꤩꤗꤢꤪꤋꤢꤨ꤬ꤖꤢꤨ ꤒꤢ꤬ꤟꤢꤩ꤬ ꤟꤢꤩꤜꤟꤌꤣ꤭ꤓꤛꤢ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤒꤟꤢꤧ꤬ꤥ꤬ꤕꤢ꤬ꤡꤟꤢꤧꤜꤟꤛꤢ꤬ ꤢ꤬ꤚꤤ꤬ꤢ꤬ꤊꤛꤢ꤭ ꤡꤢꤨꤒꤢꤩ꤭?(ꤗꤢꤞꤢꤧ ꤁:꤂꤁)
----------------------------------------------------------------------------------------------------------------------------------------------------------------------------------------------------
-------------------------------꤯
꤂꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤟꤢꤩ ꤢ꤬ꤋꤥ꤭ꤕꤟꤢ꤬ꤡꤟꤢꤧ ꤒꤢ꤬ꤟꤢꤩ꤬ ꤔꤢ “ꤠꤢ꤭ ꤙꤢꤧ꤬ ꤡꤛꤣ ꤘꤣ ꤛꤢ꤬ꤚꤢꤨꤏꤛꤢ꤬ꤜꤢꤩ꤬, ꤚꤢꤪ ꤠꤢ꤭ ꤙꤢꤧ꤬--------------------ꤘꤣ ----------------------------ꤒꤢ꤬ꤟꤢꤩ꤬ ꤢ꤬ꤒꤢ꤬ꤋꤢꤨ꤬ꤊꤢꤨ꤭꤯ ꤢ꤬ꤙꤢ꤭ ꤟꤢꤪ --------------------------------------------ꤕꤢ꤭ ꤠꤢ꤭-----------------------------------------ꤋꤛꤢꤩ꤭ꤞꤛꤢꤕꤢ꤭꤯ (ꤗꤢꤞꤢꤧ ꤁꤆:꤂꤁)
꤃꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤙꤢꤧ꤬ꤋꤛꤢꤞꤛꤢꤩ꤭ ꤖꤢꤨꤒꤢꤩ꤭? (ꤗꤢꤞꤢꤧ ꤂꤇:꤃꤅)
------------------------------------------------------------------------------------------------------꤯
ꤢ꤬ꤋꤛꤢꤞꤛꤢꤩ꤭ꤒꤟꤌꤣ ꤔꤢ ꤢꤨ꤭ꤕꤢꤩ꤭ ꤒꤢ꤬ꤟꤢꤩ꤬ꤕꤢꤩ꤭?(ꤗꤢꤞꤢꤧ ꤂꤇:꤃꤈)
------------------------------------------------------------------------------------------------------꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤒꤟꤢꤧ꤬ꤋꤛꤢꤞꤛꤢꤩ꤭ ꤢ꤬ꤚꤤ꤬ꤢ꤬ꤊꤛꤢ꤭ꤔꤌꤣ꤬ ꤢꤨ꤭ꤙꤢꤩ꤬ꤜꤟꤌꤣ꤭ꤓꤛꤢ꤬ꤕꤢ꤭ ꤘꤣ (ꤜꤢꤨ꤭ꤊꤢ꤬ ꤂꤂:꤄꤇-꤂꤃:꤅꤆ ꤔꤢ ꤛꤥ꤭ꤟꤢ꤬ ꤁꤈:꤁-꤁꤉:꤄꤂) ꤢ꤬ꤊꤢꤨ꤭ꤔꤌꤣ꤬꤯
꤄꤯ ꤡꤢꤪꤗꤢ꤬ꤚꤛꤢ꤬ ꤟꤢꤩ ꤊꤢ꤬ꤛꤢ꤭ꤕꤝꤟꤥ꤭꤮ ꤒꤣ꤬ꤕꤚꤟꤢꤧ꤬ ꤢ꤬ꤚꤤ꤬ꤢ꤬ꤊꤛꤢ꤭ ꤖꤢꤨꤒꤢꤩ꤭?
(ꤚꤥ꤭ꤗꤢꤩ꤬ ꤃:꤂꤃)
------------------------------------------------------------------------------------------------------꤯
꤅꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤘꤛꤢꤩꤜꤟꤌꤣ꤭ꤓꤛꤢ꤬ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤗꤟꤥ꤬ ꤖꤢꤨꤒꤢꤩ꤭? (ꤚꤥ꤭ꤗꤢꤩ꤬ ꤅:꤈)
-----------------------------------------------------------------------------------------------------꤯
꤆꤯ ꤖꤢꤨ ꤕꤚꤟꤢꤧ꤬ꤕꤚꤟꤥ꤬ ꤋꤢꤨ꤭ꤛꤢ꤬ꤏꤛꤢꤛꤢ꤬ ꤟꤢꤩꤕꤚꤟꤥ꤬ ꤥ꤬ꤔꤢꤩ꤬ ꤒꤟꤢꤧ꤬ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤡꤛꤣ ꤋꤛꤢꤡꤟꤛꤢꤩ꤭ꤋꤛꤢꤡꤟꤢꤦ꤬ ꤒꤟꤢꤧ꤬ꤗꤟꤢꤩ꤬ꤒꤢꤩ꤭?
(ꤛꤢ꤬ꤏꤛꤢꤛꤢ꤬ ꤅꤃:꤅)
------------------------------------------------------------------------------------------------------꤯
꤇꤯ ꤊꤢ꤬ꤛꤢ꤭ ꤘꤣ ꤢ꤬ꤗꤟꤢꤩ꤬ ꤒꤢ꤬ꤗꤥ꤭ꤗꤥ꤭ ꤒꤟꤢꤧ꤬ꤞꤢꤦ ꤒꤣ꤬ꤕꤚꤟꤢꤧ꤬ ꤢ꤬ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤔꤌꤣ꤬ ꤢ꤬ꤞꤛꤢ ꤔꤢ ꤗꤢ꤬ꤤ꤭ꤒꤢꤩ꤭?
-------------------------------------------------------------------------------------------------------------------------------------------------------------------------꤯
ꤕꤟꤢꤧ꤬ꤒꤟꤢꤧ꤬ꤞꤢꤦꤔꤌꤣ꤬ ꤢ꤬ꤗꤟꤢꤩ꤬ꤊꤛꤢ꤭ꤖꤢꤨꤒꤢꤩ꤭? (ꤛꤢ꤬ꤏꤛꤢꤛꤢ꤬ ꤅꤃:꤆)
----------------------------------------------------------------------------------------------------------------------------꤯
꤈꤯ ꤖꤢꤨ (꤁ ꤕꤢꤩ꤬ꤒꤢ꤬ꤚꤢꤨ꤭ ꤂:꤂꤄) ꤚꤢ꤭ꤥ꤬ꤔꤌꤣ꤬
(꤁) ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤗꤟꤢꤩ꤬ꤊꤛꤢ꤭ ꤕꤢꤩ ꤘꤣ ꤕꤟꤢꤧ꤬ꤑꤢꤩ꤭ ꤗꤢ꤬ꤤ꤭ꤒꤢꤩ꤭?
----------------------------------------------------------------------------------------------------------------------------------------------------------------------------------------------------
-------------------------------꤯
(꤂) ꤋꤥ꤭ꤑꤟꤢ ꤕꤟꤢꤧ꤬ ꤊꤢꤪ꤬ ꤥ꤬ꤓꤝꤟꤥ꤭ꤕꤚꤟꤢꤧ꤬ ꤖꤢꤨꤒꤢꤩ꤭?
---------------------------------------------------------------------------------------------------------------------------------------------------------------------------------------------------
-------------------------------------------------꤯
ꤒꤟꤢꤧ꤬ꤞꤢꤦ ꤗꤟꤢꤩ꤬ꤓꤝꤟꤥ꤭ꤓꤛꤢ꤬ ꤒꤟꤢꤧ꤬ꤊꤜꤛꤢꤩꤒꤟꤢꤧ꤬ꤍꤢ꤭, ꤗꤢ꤬ꤔꤢꤚꤢꤪ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤗꤟꤢꤩ꤬ꤓꤝꤟꤥ꤭ꤓꤛꤢ꤬ ꤒꤟꤢꤧ꤬ꤕꤟꤢꤩ꤭ꤒꤟꤢꤧ꤬ꤘꤝꤥ꤭꤯
ꤒꤟꤢꤧ꤬ꤞꤢꤦ ꤡꤝꤤ꤭ꤒꤢ꤬ꤖꤢ꤭ꤊꤛꤢ꤭ ꤕꤟꤢꤧ꤬ ꤔꤢ ꤡꤢꤪꤗꤢ꤬ꤚꤛꤢ꤬, ꤗꤢ꤬ꤔꤢꤚꤢꤪ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤡꤝꤤ꤬ꤊꤟꤢ꤬ꤖꤢꤦ꤬ ꤋꤛꤢꤩ꤭ꤕꤟꤢꤧ꤬ ꤔꤢ ꤡꤢꤪꤗꤢ꤬ꤚꤛꤢ꤬꤯
ꤒꤟꤢꤧ꤬ꤞꤢꤦ ꤗꤢꤩ꤬ꤕꤛꤢꤩꤊꤛꤢ꤭ ꤊꤛꤢ꤭ ꤒꤟꤢꤧ꤬ꤙꤢꤪꤞꤝꤥꤙꤢꤪꤜꤟꤢ꤭ꤜꤢꤨ꤭, ꤗꤢ꤬ꤔꤢꤚꤢꤪ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤗꤟꤢꤩ꤬ꤥ꤬ꤓꤛꤢ꤬ꤋꤛꤢꤩ꤭ꤞꤛꤢ ꤒꤟꤢꤧ꤬ꤙꤢꤪꤞꤝꤥꤙꤢꤪꤜꤟꤢ꤭ ꤜꤢꤨ꤭꤯
꤉꤯ ꤘꤣ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤋꤛꤢꤞꤛꤢꤩ꤭ꤒꤟꤢꤧ꤬ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤡꤢꤪꤗꤢ꤬ꤚꤛꤢ꤬ ꤔꤢ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤙꤢꤪꤞꤝꤥꤙꤢꤪꤜꤟꤢ꤭ ꤔꤟꤤ ꤋꤛꤢꤩ꤭ꤞꤛꤢ ꤟꤢꤪ ꤜꤢꤨ꤭꤯ ꤘꤣ (ꤟꤤꤙꤚꤢꤨ ꤁꤀:꤁꤇) ꤢ꤬ꤊꤢꤨ꤭ꤔꤌꤣ꤬ ꤘꤣ ꤕꤟꤢꤧ꤬ ꤒꤟꤢꤧ꤬ꤞꤢꤦ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤙꤛꤢ꤬ꤡꤢꤧ꤬ꤡꤢꤪꤗꤢ꤬ꤚꤛꤢ꤬ ꤊꤟꤢꤦꤚꤟꤢꤩ ꤗꤟꤢꤩ꤬ ꤕꤢꤩ ꤕꤟꤢꤧ꤬ ꤗꤢ꤬ꤤ꤭ꤒꤢꤩ꤭ꤕꤢ꤭ ꤢ꤬ꤟꤢꤩ? (ꤔꤝꤥꤓꤢꤩ꤬ ꤜꤤ꤬ꤕꤚꤥ ꤘꤣ ꤢ꤬ꤒꤥ꤭ꤔꤌꤣ꤬)
(꤁) ꤢ꤬ꤞꤢꤪꤞꤢꤦ ꤡꤛꤣꤒꤟꤥꤊꤛꤢ꤭ ꤕꤢꤩ ꤒꤟꤢꤧ꤬ꤡꤤ꤬ꤚꤛꤢ꤬꤯
(꤂) ꤢ꤬ꤏꤥ꤭ꤒꤢ꤬ꤕꤟꤢ꤬ꤊꤛꤢ꤭ ꤜꤟꤢꤪ꤭ ꤕꤢ꤭꤯
(꤃) ꤢ꤬ ꤕꤜꤝꤥ꤭ꤊꤛꤢ꤭ ꤕꤢꤩ ꤊꤢ꤬ꤛꤢ꤭ ꤒꤟꤢꤧ꤬ꤟꤢꤧ꤭ꤡꤟꤢꤧꤚꤢꤩ꤬ꤡꤟꤢꤩꤕꤟꤢ꤭꤯
(꤄) ꤘꤣ ꤕꤚꤟꤢꤧ꤬ꤜꤢꤨ꤬ꤊꤢ꤬ꤛꤢ꤭ ꤗꤟꤢꤩ꤬ꤒꤟꤢꤧ꤬ꤚꤛꤢ꤬ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤔꤟꤤ꤬ꤙꤢꤧ꤬ ꤡꤢꤪꤗꤢ꤬ꤚꤛꤢ꤬ ꤢ꤬ ꤒꤟꤢꤧ꤬ꤕꤜꤝꤥ꤭ꤊꤛꤢ꤭ ꤒꤟꤢꤧ꤬ꤞꤢꤦꤕꤢ꤭꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤓꤝꤟꤥ꤭ꤕꤚꤟꤢꤧ꤬ꤊꤟꤢ꤬ꤋꤛꤢꤩ꤭ ꤘꤣ ꤒꤟꤢꤧ꤬ꤞꤛꤢꤩ꤭ꤟꤢꤪ
꤁꤀꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤟꤢꤩ ꤘꤛꤢꤩ ꤢ꤬ꤋꤥ꤭ꤕꤢ꤬ꤡꤟꤢꤧ ꤒꤢ꤬ꤟꤢꤩ꤬ꤔꤢ “ꤠꤢ꤭ ꤊꤤ꤬ ꤞꤛꤢꤩ꤭ꤓꤌꤣ꤭ꤕꤢ꤭ ꤚꤢꤪ ꤢ꤬ꤊꤟꤢꤦꤚꤟꤢꤩ ꤓꤝꤟꤥ꤭ꤓꤛꤢ꤬ ꤖꤢꤨꤒꤢꤩ꤭ꤕꤢ꤭” ꤢ꤬ꤟꤢꤩ?
(ꤛꤥ꤭ꤟꤢ꤬ ꤂:꤁꤉-꤂꤂)
------------------------------------------------------------------------------------------------------꤯
꤁꤁꤯ ꤒꤢ꤬ꤔꤢꤩꤗꤢꤪꤋꤢꤨ꤬ꤖꤢꤨ ꤥ꤬ ꤘꤣ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤜꤟꤌꤣ꤭ꤊꤢꤨ꤭ ꤚꤢꤪ ꤢ꤬ ꤟꤢꤩ ꤕꤚꤟꤢꤧ꤬ꤗꤢꤪ꤬ ꤒꤢ꤬ꤟꤢꤩ꤬ ꤔꤢ
-------------------------------------------------------------------------------------------------------------------------------------------------------------------ꤗꤟꤢꤩ꤬ꤒꤢꤩ꤭?
(ꤜꤢꤨꤊꤢ꤬꤯꤂꤄:꤁-꤅)
꤁꤂꤯ ꤖꤢꤨ ꤋꤢꤨ꤭ꤕꤢꤪꤜꤢꤨ ꤚꤢ꤭ ꤥ꤬ꤊꤛꤢ꤭ ꤔꤌꤣ꤬ ꤙꤤ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤓꤝꤟꤥ꤭ꤕꤚꤟꤢꤧ꤬ ꤊꤟꤢ꤬ꤋꤛꤢꤩ꤭ ꤟꤢꤪ ꤢ꤬ꤋꤢꤧ꤭ ꤔꤌꤣ꤬ ꤗꤢꤪ꤬ꤒꤢꤩ꤭ ꤒꤢ꤬ꤟꤢꤩ꤬ ꤗꤛꤢꤓꤛꤢꤩ꤬ ꤕꤢꤩ꤭? (꤁ ꤊꤢ꤬ꤚꤤ꤬ꤞꤢꤨ꤬ ꤁꤅:꤈)
----------------------------------------------------------------------------------------------------------------------------------------------------------------------------------------------------
---------꤯
꤁꤃꤯ ꤖꤢꤨ (꤁ ꤊꤢ꤬ꤚꤤ꤬ꤞꤢꤨ꤬ ꤁꤅:꤁꤄-꤁꤉) ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤊꤤ꤬ ꤓꤝꤟꤥ꤭ꤕꤚꤟꤢꤧ꤬ ꤊꤟꤢ꤬ꤋꤛꤢꤩ꤭ ꤘꤣ ꤒꤟꤢꤧ꤬ꤞꤛꤢꤩ꤭ ꤒꤥ꤬ ꤟꤢꤩꤗꤢ꤬ ꤢ꤬ ꤊꤟꤢꤦꤚꤟꤢꤩ ꤓꤝꤟꤥ꤭ꤓꤛꤢ꤬ ꤖꤢꤨꤒꤢꤩ꤭?
ꤢ꤬ꤕꤢ꤬ꤒꤤ꤮ ꤒꤢ꤬ꤘꤢꤦ꤬ ꤟꤢꤩꤓꤢꤩ꤬ꤏꤢꤦ꤬ ꤔꤛꤢꤩ꤭ ꤊꤟꤌꤣ꤬ ꤔꤟꤤ꤯
----------------------------------------------------------------------------------------------------------------------------------------------------------------------------------------------------
--------------------------------------------꤯
꤁꤄꤯ ꤕꤚꤟꤢꤧ꤬ꤗꤟꤢꤩ꤬ꤒꤟꤢꤧ꤬ꤖꤢꤨ ꤒꤢ꤬ꤟꤢꤩ꤬ ꤟꤢꤩꤏꤥ꤬ ꤊꤟꤢ꤬ꤋꤛꤢꤩ꤭ꤟꤛꤢ꤭ꤑꤢꤩ꤭ ꤒꤟꤢꤧ꤬ꤚꤤ꤬ꤒꤟꤢꤧ꤬ꤊꤛꤢ꤭ ꤔꤌꤣ꤬ꤗꤢ꤬ ꤗꤢ꤬ꤤ꤭ꤒꤢꤩ꤭?
(ꤊ) (ꤕꤚꤟꤢꤘꤣ꤬ꤑꤢ꤭ꤖꤢꤨ ꤃:꤁꤄, ꤁꤅)
---------------------------------------------------------------------------------------------------------------------------------------------------------------꤯
(ꤋ) (ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤄:꤃꤃)
----------------------------------------------------------------------------------------------------------------------------------------------------------------------꤯
꤁꤅꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤓꤝꤟꤥ꤭ꤕꤟꤚꤢꤧ꤬ꤊꤟꤢ꤬ꤋꤛꤢꤩ꤭ ꤋꤛꤢꤩ꤭ꤞꤛꤢ ꤘꤣ ꤒꤟꤢꤧ꤬ꤞꤛꤢꤩ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤢ꤬ꤘꤛꤢꤩꤜꤟꤌꤣ꤭ꤟꤢꤪ ꤢ꤬ꤔꤟꤢꤩ ꤔꤢ ꤢꤧ꤬ ꤗꤢ꤬ ꤢꤨ꤭ꤕꤢꤩ꤭? (ꤚꤥ꤭ꤗꤢꤩ꤬ ꤁:꤄) -----------------------------------------------------------------------------------------------------------------꤯
ꤕꤚꤟꤢꤧ꤬ ꤘꤣ ꤢ꤬ ꤗꤟꤢꤩ꤬ꤓꤛꤢ꤬ ꤕꤚꤟꤢꤧ꤬ꤜꤟꤢꤨ꤬ꤊꤢ꤬ꤛꤢ꤭ ꤗꤟꤢꤩ꤬ ꤒꤟꤢꤧ꤬ꤡꤢꤪꤙꤢꤨ꤬ꤡꤢꤪꤙꤢꤧ꤭ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤞꤛꤢꤩ꤭ ꤜꤟꤢꤪ꤭ꤟꤢꤪ꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤘꤣ ꤢ꤬ꤓꤝꤟꤥ꤭ꤕꤚꤟꤢꤧ꤬ꤊꤢ꤬ꤋꤛꤢꤩ꤭ ꤟꤢꤪ ꤖꤢꤨ ꤕꤟꤚꤢꤧ꤬ ꤘꤣ ꤢ꤬ ꤗꤟꤢꤩ꤬ꤕꤟꤢꤩ ꤒꤟꤢꤧ꤬ ꤒꤣ꤬ꤕꤚꤟꤢꤧ꤬ ꤔꤌꤣ꤬ ꤢ꤬ꤓꤝꤟꤥ꤭ꤕꤚꤟꤢꤧ꤬ ꤟꤢꤪ ꤘꤣ ꤋꤚꤤꤖꤢꤨ ꤒꤢ꤬ꤟꤢꤩ꤬ ꤢ꤬ꤞꤢꤧꤕꤜꤢꤪ꤬ꤊꤢꤨ꤭ ꤟꤢꤪ꤯ ꤊꤤ꤬ ꤞꤢꤧꤐꤟꤢꤦ ꤞꤢꤧꤑꤢꤩ꤭ ꤢꤧꤓꤛꤢ꤬ꤕꤟꤥ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤞꤛꤢꤩ꤭ꤤ꤬ꤓꤢꤪ꤬ꤊꤟꤢ꤬ꤋꤛꤢꤩ꤭ ꤢ꤬ꤚꤤ꤬ꤢ꤬ꤊꤛꤢ꤭ ꤚꤢꤪ ꤗꤛꤢꤕꤟꤥ ꤘꤣ (ꤗꤢꤧ ꤂꤈:꤁-꤂꤀, ꤜꤢꤨꤊꤢ꤬ ꤂꤄:꤁-꤅꤃, ꤛꤥ꤭ꤟꤢ꤬ ꤂꤀:꤁-꤂꤁:꤂꤅) ꤢ꤬ꤊꤢꤨ꤭ ꤔꤌꤣ꤬ ꤔꤤ꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤊꤟꤢ꤬ꤊꤢ꤬ꤓꤛꤢ꤬ꤓꤌꤣ꤭ ꤟꤢꤪ ꤘꤣ ꤗꤢꤪꤋꤢꤨ꤬ ꤟꤢꤪ
꤁꤆꤯ ꤙꤤ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤋꤥ꤭ꤕꤢ꤬ꤡꤟꤢꤧꤒꤢ꤬ꤟꤢꤩ꤬ ꤒꤟꤢꤨꤓꤛꤢ꤬ꤗꤛꤢ ꤜꤢ꤬ꤟꤛꤢ꤭ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤋꤢꤧ꤭ ꤡꤢꤪꤗꤢ꤬ꤚꤛꤢ꤬ ꤗꤟꤢꤩ꤬ꤊꤛꤢ꤭ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤖꤢꤨꤒꤢꤩ꤭?
(ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤁:꤉-꤁꤁)
-----------------------------------------------------------------------------------------------------------------------------------------------------------------------꤯
꤁꤇꤯ ꤖꤢꤨ ꤢꤨ꤭ ꤚꤢ꤭ꤥ꤬ ꤘꤣ (ꤛꤥ꤭ꤟꤢ꤬ ꤁꤄:꤂) ꤢ꤬ꤊꤢꤨ꤭ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤊꤟꤢ꤬ꤊꤢ꤬ꤓꤛꤢ꤬ ꤘꤣ ꤗꤢꤪꤋꤢꤨ꤬ꤔꤌꤣ꤬ꤗꤢ꤬
---------------------------------------------------------------------------------------------------------------------------------------------------------------꤯
꤁꤈꤯ ꤖꤢꤨ ꤢꤨ꤭ ꤚꤢ꤭ꤥ꤬ ꤘꤣ (ꤢꤩꤖꤢꤩꤎꤢꤨ꤬ ꤁:꤂꤀-꤂꤃) ꤢ꤬ꤊꤢꤨ꤭ꤔꤌꤣ꤬
(ꤊ) ꤙꤛꤢ꤬ꤡꤢꤧ꤬ꤛꤢꤩ꤬ꤏꤢꤨ ꤊꤟꤢ꤬ꤊꤢ꤬ꤓꤛꤢ꤬ ꤓꤌꤣ꤭ ꤘꤣ ꤗꤢꤪꤋꤢꤨ꤬ ꤚꤢꤪ ꤢ꤬ꤔꤟꤤꤙꤢꤧ꤬ ꤢ꤬ꤋꤢ꤭ꤜꤟꤢꤩ ꤖꤢꤨꤒꤢꤩ꤭?
---------------------------------------------------------------------------------------------------------------------------------------------------------------------------------------------------
----------꤯
(ꤋ) ꤢ꤬ ꤕꤣ ꤔꤟꤤ ꤜꤟꤢꤪ꤭ ꤘꤣ ꤒꤟꤢꤧ꤬ꤖꤢꤨꤒꤢꤩ꤭ ꤒꤢ꤬ꤟꤢꤩ꤬ ꤢ꤬ꤋꤢꤨ꤬ ꤒꤢꤩ꤭?
---------------------------------------------------------------------------------------------------------------------------------------------------------------------------------------------------
----------꤯
(ꤌ) ꤙꤛꤢ꤬ꤡꤢꤧ꤬ꤋꤚꤤ ꤓꤛꤢ꤬ꤥ꤬ꤔꤛꤢ꤭ ꤔꤟꤤ ꤘꤣ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤢ꤬ꤋꤢꤨ꤬ ꤡꤢꤪꤓꤝꤥꤒꤢ꤬ꤊꤛꤢꤩ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤢ꤬ꤙꤝꤤꤢ꤬ꤒꤢ꤬ꤚꤛꤢꤩ꤭ ꤥ꤬ ꤔꤛꤢꤩ꤭ꤡꤣ꤬, ꤔꤌꤣ꤬ꤗꤢ꤬ ꤗꤢ꤬ꤤ꤭ꤒꤢꤩ꤭?
----------------------------------------------------------------------------------------------------------------------------------------------------------------------------------------------------
---------꤯
꤁꤉꤯ ꤙꤛꤢ꤬ꤡꤢꤧ꤬ꤋꤚꤤ ꤥ꤬ ꤘꤣ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤢ꤬ꤋꤢꤨ꤬ ꤡꤢꤪꤓꤝꤥꤒꤢ꤬ꤊꤛꤢꤩ꤭ ꤚꤢꤪ ꤢ꤬ ꤗꤟꤢꤩ ꤕꤢꤩ ꤕꤟꤢꤧ꤬ ꤑꤢꤩ꤭ ꤗꤢ꤬ꤤ꤭ꤒꤢꤩ꤭? (ꤚꤥ꤭ꤗꤢꤩ꤬ ꤈:꤃-꤄)
----------------------------------------------------------------------------------------------------------------------------------------------------------------------------------------------------
---------꤯
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤒꤢ꤬ꤚꤤ꤬ꤒꤢ꤬ꤚꤛꤢ꤭ ꤥ꤬ꤔꤟꤢꤩ꤬ ꤕꤢꤩ ꤕꤟꤢꤧ꤬ ꤋꤢ꤭ꤜꤟꤢꤩ ꤒꤣ꤬ꤖꤥ꤬꤯
ꤕꤟꤢꤧ꤬꤮ ꤚꤢꤪ ꤕꤟꤢꤧ꤬ ꤒꤢ꤬ꤚꤤ꤬ꤒꤢ꤬ꤚꤛꤢ꤭ ꤥ꤬ꤔꤟꤢꤩ꤬ ꤟꤢꤪ ꤋꤢ꤭ꤜꤟꤢꤩꤔꤌꤣ꤬ ꤒꤢ꤬ꤖꤥ꤬ ꤢ꤬ꤑꤢꤩ꤭ ꤟꤢꤪꤟꤢꤪ꤯
꤂꤀꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤥ꤬ ꤕꤢ꤭ ꤘꤣ ꤟꤢꤩ꤬ꤋꤢꤨ꤬ ꤢ꤬ꤋꤢꤧ꤭ ꤢ꤬ꤞꤢꤧꤐꤟꤢꤦ ꤔꤢꤪ꤭ ꤓꤝꤟꤥ꤭ꤓꤛꤢ꤬ ꤖꤢꤨꤒꤢꤩ꤭ ꤚꤢꤪ ꤢ꤬ ꤊꤝꤤ꤭ꤡꤢꤪꤙꤢꤧ꤭ ꤕꤢꤩ ꤘꤣ ꤢ꤬ꤋꤥ꤭ꤕꤢ꤬ꤡꤟꤢꤧ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ ꤖꤢꤨꤒꤢꤩ꤭? (ꤛꤥ꤭ꤟꤢ꤬ ꤁꤇)
(ꤊ) ꤢ꤬ꤗꤟꤢ꤭ꤖꤢꤨ :꤁꤁
----------------------------------------------------------------------------------------------------------------------------------------------------------------------------------꤯
(ꤋ) ꤢ꤬ꤗꤟꤢ꤭ꤖꤢꤨ :꤁꤃
-----------------------------------------------------------------------------------------------------------------------------------------------------------------------------------꤯
(ꤌ)ꤢ꤬ꤗꤟꤢ꤭ꤖꤢꤨ :꤁꤅
------------------------------------------------------------------------------------------------------------------------------------------------------------------------------------꤯
(ꤍ) ꤢ꤬ꤗꤟꤢ꤭ꤖꤢꤨ :꤁꤇
-----------------------------------------------------------------------------------------------------------------------------------------------------------------------------------꤯
(ꤎ) ꤢ꤬ꤗꤟꤢ꤭ꤖꤢꤨ :꤂꤁
-----------------------------------------------------------------------------------------------------------------------------------------------------------------------------------꤯
(ꤏ) ꤢ꤬ꤗꤟꤢ꤭ꤖꤢꤨ :꤂꤄
-----------------------------------------------------------------------------------------------------------------------------------------------------------------------------------꤯
ꤙꤤ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤥ꤬ ꤕꤢ꤭ ꤘꤣ ꤟꤢꤩ꤬ꤋꤢꤨ꤬ ꤛꤢꤩ꤭ ꤢ꤬ꤋꤢꤧ꤭ ꤢ꤬ꤡꤢꤪꤙꤢꤧ꤭ ꤕꤢꤩ ꤘꤣ ꤢ꤬ꤋꤥ꤭ꤕꤢ꤬ꤡꤟꤢꤧ ꤢ꤬ꤟꤢꤩ꤬ ꤢ꤬ꤑꤢꤩ꤭, ꤓꤌꤣ꤭꤮ ꤒꤥ꤬ ꤢ꤬ꤊꤝꤤ꤭ꤡꤢꤪꤙꤢꤧ꤭ ꤔꤟꤤ ꤕꤢ꤭ ꤘꤣ ꤕꤟꤢꤧ꤬ ꤑꤢꤩ꤭ꤑꤢꤩ꤭꤯ (ꤛꤥ꤭ꤟꤢ꤬ ꤁꤇:꤂꤀) ꤘꤣ ꤢ꤬ꤒꤢ꤬ꤜꤝꤥꤟꤛꤢ꤭ꤓꤌꤣ꤭ ꤟꤢꤪ ꤔꤢ꤬ꤔꤛꤢꤩ꤭ꤚꤤ ꤢ꤬ꤋꤢꤧ꤭ ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤊꤝꤤ꤭ꤡꤢꤪꤙꤢꤧ꤭ ꤕꤢꤩ ꤘꤣ ꤕꤚꤟꤢꤧ꤬ꤐꤟꤢꤦꤢꤩ꤬ ꤢꤧ꤬ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤑꤢꤩ꤭, ꤢ꤬ꤞꤛꤢ꤮ ꤖꤢꤨꤔꤌꤣ꤬ꤟꤢꤪ ꤘꤣ ꤕꤟꤢꤧ꤬ꤐꤟꤢꤦꤢꤩ꤬ ꤢꤧ꤬ ꤋꤥ꤭ꤑꤟꤢꤛꤢꤩ꤭ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ꤙꤢꤧ꤬ꤙꤢꤧ꤬ ꤢ꤬ ꤞꤢꤨ꤬ꤥ꤬ꤞꤢꤧꤥ꤬ ꤊꤝꤤ꤭ꤡꤢꤪꤙꤢꤧ꤭ ꤕꤟꤢꤩꤡꤢꤪ ꤘꤣ ꤕꤟꤢꤧ꤬ꤑꤢꤩ꤭ ꤡꤢꤪ꤯
꤂꤁꤯ ꤟꤣ ꤊꤟꤢ꤬ꤋꤛꤢꤩ꤭ ꤋꤛꤢꤩ꤭ꤞꤛꤢ ꤔꤟꤢꤧ꤬ꤚꤢ꤭ꤓꤢꤩ꤬ꤏꤢꤦ꤬ ꤒꤟꤢꤧ꤬ꤏꤢꤨ꤬ꤘꤛꤢ꤭ ꤔꤌꤣ꤬ꤒꤢ꤬ꤟꤢꤩ꤬ ꤔꤤ꤯ ꤔꤟꤢꤧ꤬ ꤗꤛꤢꤓꤛꤢꤩ ꤒꤟꤢꤧ꤬ ꤘꤣ ꤢ꤬ꤙꤝꤤꤢ꤬ꤒꤢ꤬ꤚꤟꤢꤩ꤭ ꤘꤢꤨ꤬ ꤔꤛꤢ꤬ꤡꤢꤪ ꤘꤣ ꤔꤟꤢꤧ꤬ꤑꤢꤩ꤭ ꤒꤣ꤬ꤡꤣ꤬ꤡꤣ꤬ ꤟꤟꤢꤧ꤭? ꤢ꤬ꤓꤝꤟꤥ꤭ꤙꤝꤤꤓꤝꤟꤥ꤭ꤒꤢ꤬ꤚꤛꤢꤩ꤭ ꤔꤛꤢ꤬ꤡꤢꤪ ꤘꤣ ꤔꤟꤢꤧ꤬ꤑꤢꤩ꤭ ꤖꤢꤨꤒꤢꤩ꤭ꤔꤌꤣ꤬ ꤚꤢ꤭ꤓꤢꤩ꤬ ꤋꤛꤢꤩ꤭ꤞꤛꤢ ꤢꤧ꤬ꤖꤢꤨ ꤔꤟꤢꤧ꤬ ꤜꤟꤢꤩꤊꤜꤥ꤭ꤟꤢꤩꤙꤢꤧ꤬ ꤕꤝꤟꤥ꤭ꤟꤢꤩꤕꤝꤟꤥ꤭ꤚꤥ꤭ ꤔꤌꤣ꤬ꤔꤤ꤯
-----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------꤯
ꤒꤟꤢꤧ꤬ꤞꤤꤒꤟꤢꤧ꤬ꤖꤢꤧ, ꤒꤢ꤬ꤚꤛꤢꤩ꤭, ꤒꤢ꤬ꤚꤛꤢꤩ꤭ꤏꤛꤥ꤬ꤏꤢꤪ꤭ ꤔꤢ ꤒꤟꤢꤧ꤬ꤡꤟꤛꤢꤒꤟꤢꤧ꤬ꤘꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤛꤢꤩ꤭ ꤒꤢ꤬ꤟꤢꤩ꤬ ꤢ꤬ ꤒꤣ꤬ꤙꤢꤧ꤬ ꤊꤢ꤬ꤛꤢ꤭ꤞꤢꤧꤕꤜꤢꤪ꤬ ꤚꤢꤪ ꤢ꤬ꤗꤟꤢꤩ꤬ꤒꤢ꤬ꤊꤜꤛꤢ꤬ ꤡꤟꤛꤢ ꤊꤢ꤬ꤛꤢ꤭ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤖꤢꤨ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤒꤢ꤬ꤚꤛꤢꤩ꤭ꤕꤚꤟꤥ꤬ꤕꤚꤛꤢ꤭ ꤔꤌꤣ꤬ ꤢ꤬ ꤥ꤬ꤒꤥ꤬꤯ ꤗꤢꤩ꤬ꤊꤟꤢ꤬ ꤥ꤬ꤔꤟꤢꤩ꤬ ꤕꤟꤥ ꤜꤤ꤬ꤤ꤬ꤞꤛꤥ ꤜꤤ꤬ꤢꤨ꤭ (꤂) ꤔꤌꤣ꤬ꤔꤤ꤯ ꤒꤢꤦꤚꤢꤪ ꤔꤟꤢꤧ꤬ ꤚꤢ꤭ꤏꤢꤦ꤬ ꤓꤌꤣ꤭ꤓꤌꤣ꤭ ꤜꤤ꤬꤭ꤢꤨ(꤁)ꤛꤢꤩ꤭ ꤒꤣ꤬ꤙꤢ꤬ꤚꤢꤪ ꤒꤢ꤬ꤟꤢꤦ꤬꤮ ꤡꤢꤦ꤭ ꤔꤟꤢꤧ꤬ꤚꤢ꤭ꤓꤢꤩ꤬ꤏꤢꤦ꤬ ꤔꤟꤤ ꤕꤟꤥ ꤜꤥ꤬ꤢꤨ(꤂) ꤕꤢ꤭꤯
ꤒꤟꤢꤧ꤬ꤤ꤬ꤞꤛꤥ (꤃)
ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤣ꤬ꤡꤟꤢꤨꤕꤚꤟꤢꤧ꤬ ꤘꤣ ꤙꤛꤢ꤬ꤡꤢꤧ꤬ꤋꤚꤤ ꤢ꤬ꤥ꤬
ꤊꤢ꤬ꤛꤢ꤭ꤒꤢ꤬ꤟꤢꤩ꤬ ꤞꤢꤧꤐꤟꤢꤦꤞꤢꤧꤑꤢꤩ꤭ ꤜꤢ꤬ꤟꤛꤢ꤭ ꤔꤢ ꤏꤛꤢꤩ꤮ ꤞꤛꤢꤩ꤭ꤓꤌꤣ꤭ ꤕꤢ꤭ ꤢ꤬ꤊꤟꤢꤦꤚꤟꤢꤩ ꤓꤝꤟꤥ꤭ꤓꤛꤢ꤬ ꤕꤢ꤭ ꤖꤢꤨꤒꤢꤩ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤢ꤬ ꤗꤛꤢꤕꤟꤢꤨ꤭ꤞꤢꤧꤑꤢꤩ꤭ ꤜꤢ꤬ꤟꤛꤢ꤭ ꤒꤣ꤬ꤓꤢꤦ꤭ꤓꤌꤣ꤭ ꤒꤣ꤬ꤓꤢꤦ꤭ ꤡꤢꤪꤟꤢꤪ꤯ ꤢ꤬ꤔꤥ꤬ ꤕꤟꤥ ꤔꤢ꤬ ꤘꤣ ꤢ꤬ꤑꤢꤩ꤭ꤜꤟꤢ꤭ ꤕꤢ꤭ꤒꤥ꤬ ꤟꤢꤪ ꤢ꤬ꤊꤢꤨ꤭ꤔꤌꤣ꤬ ꤕꤟꤢꤧ꤬ꤜꤟꤢꤪ꤭꤮ ꤕꤜꤤ꤭ ꤊꤟꤢꤦ ꤗꤛꤢꤓꤛꤢꤩ꤬ ꤗꤟꤢꤜꤢ꤬ꤊꤥ꤭ ꤟꤢꤪ ꤔꤢ ꤒꤟꤢꤧ꤬ꤥ꤬ꤓꤛꤥ꤭ꤕꤚꤟꤢꤧ꤬ ꤒꤢ꤬ꤡꤟꤢꤨ꤮ ꤕꤚꤟꤢꤧ꤬ ꤔꤌꤣ꤬ ꤟꤢꤪ ꤕꤢ꤭꤯ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤟꤢꤩ ꤔꤌꤣ꤬ꤗꤢ꤬ ꤗꤢ꤬ꤤ꤭ꤒꤢꤩ꤭? ꤗꤢ꤬ꤢꤨ꤭ꤕꤢꤩ꤭ ꤒꤢ꤬ꤟꤢꤩ꤬ ꤔꤟꤤꤙꤢꤧ꤬ ꤡꤟꤛꤢ ꤕꤢ꤭ꤕꤢꤩ꤭? ꤔꤟꤤꤙꤢꤧ꤬ ꤗꤟꤢ ꤜꤢ꤬ꤊꤥ꤭ ꤟꤢꤪ ꤕꤢ꤭ꤔꤌꤣ꤬ ꤞꤢꤧꤑꤢꤩ꤭ ꤒꤟꤢ꤭ꤒꤟꤢꤩ꤬ ꤡꤟꤛꤢ ꤖꤢꤨꤒꤢꤩ꤭? ꤘꤣ ꤜꤤ꤬ꤡꤢ꤭ꤏꤢꤧ꤭ ꤢ꤬ꤊꤢꤨ꤭ꤔꤌꤣ꤬ ꤢ꤬ꤟꤢꤩꤏꤥ꤬ ꤓꤌꤣ꤭ꤜꤟꤢꤪ꤭ ꤕꤢꤩꤟꤢꤪ ꤕꤟꤢꤧ꤬ ꤒꤟꤢꤧ꤬ꤏꤢꤨ꤬ꤘꤛꤢ ꤛꤢꤪ꤭ꤒꤢ꤬ꤟꤢꤩꤟꤢꤪ꤯
ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤣ꤬ꤡꤟꤢꤨꤕꤚꤟꤢꤧ꤬ ꤢ꤬ꤋꤢ꤭ꤏꤛꤢꤩꤋꤢ꤭ꤚꤛꤢ꤬ ꤗꤢ꤬ ꤢ꤬ꤥ꤬ ꤙꤤꤒꤢꤩ꤭ ꤒꤢ꤬ꤖꤥ꤬ꤒꤢꤩ꤭?
꤁꤯ (ꤊ) ꤘꤣ ꤛꤥ꤭ꤟꤢ꤬ ꤁꤄:꤆ ꤢ꤬ꤊꤢꤨ꤭ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤟꤢꤩꤘꤛꤢꤩ ꤢ꤬ꤔꤟꤢꤩ ꤔꤢ ꤗꤢ꤬ꤤ꤭ꤒꤢꤩ꤭?
---------------------------------------------------------------------------------------------------------------------------------------------------------------------------------------------------
----------꤯
(ꤋ) ꤊꤜꤛꤢꤜꤟꤢꤩ ꤡꤛꤣ ꤘꤣ ꤡꤢꤪꤗꤢ꤬ꤚꤛꤢ꤬ ꤥ꤬ ꤔꤌꤣ꤬ ꤢ꤬ꤥ꤬ ꤢꤧ꤮ ꤜꤢ꤭, ꤊꤢ꤬ꤛꤢ꤭ ꤘꤣ ꤢ꤬ꤟꤢꤩ ꤖꤢꤨꤔꤌꤣ꤬ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤟꤢꤩ ꤢꤧ꤬ꤞꤤ꤭ ꤖꤢꤨꤒꤢꤩ꤭?
---------------------------------------------------------------------------------------------------------------------------------------------------------------------------------------------------
----------꤯
꤂꤯ ꤖꤢꤨ ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤚꤢ꤭ꤥ꤬ ꤘꤣ (ꤕꤟꤚꤢꤧ꤬ꤘꤣ꤬ꤑꤢ꤭ ꤄:꤁꤀-꤁꤂) ꤢ꤬ꤊꤢꤨ꤭ꤔꤌꤣ꤬ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤣ꤬ꤡꤟꤢꤨꤕꤚꤟꤢꤧ꤬ ꤢ꤬ꤋꤢ꤭ꤏꤛꤢꤩꤋꤢ꤭ꤚꤛꤢ꤬ ꤔꤌꤣ꤬ ꤗꤢ꤬ ꤢꤨ꤭ꤕꤢꤩ꤭?
----------------------------------------------------------------------------------------------------------------------------------------------------------------------------------------------------
---------꤯
꤃꤯ ꤘꤣ (ꤛꤥ꤭ꤟꤢ꤬ ꤃:꤃꤆) ꤢ꤬ꤊꤢꤨ꤭ꤔꤌꤣ꤬ ꤊꤢ꤬ꤛꤢ꤭ ꤘꤣ ꤢ꤬ ꤐꤟꤢꤦꤢꤩ꤬ꤑꤟꤢꤢꤩ꤬ ꤖꤢꤨꤋꤢꤨ꤭ ꤛꤢꤩ꤬ꤏꤛꤢꤨ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤔꤟꤤꤙꤢꤧ꤬ -----------------------------------------------꤯ ꤊꤢ꤬ꤛꤢ꤭ ꤘꤣ ꤢ꤬ꤐꤟꤢꤦꤢꤩ꤬ ꤊꤟꤌꤣ꤭ꤢꤨ꤭ ꤒꤥ꤬ ꤒꤢ꤬ꤟꤢꤩ꤬ ꤔꤌꤣ꤬ ꤢ꤬ꤔꤟꤤ ꤙꤢꤧ꤬ ꤊꤟꤌꤣ꤭ꤢꤨ꤭꤭ ꤒꤥ꤬, ꤚꤢꤪ ------------------------------------------------------------------------ꤊꤢ꤬ꤛꤢ꤭ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤜꤟꤥ꤬ ꤕꤢ꤭꤯
꤄꤯ ꤘꤣ (ꤛꤥ꤭ꤟꤢ꤬ ꤁꤇:꤃) ꤢ꤬ꤊꤢꤨ꤭ꤔꤌꤣ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤟꤢꤩ ꤔꤢ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤟꤢꤩꤔꤌꤣ꤬ ꤗꤢ꤬ ꤗꤢ꤬ꤤ꤭ꤒꤢꤩ꤭?
----------------------------------------------------------------------------------------------------------------------------------------------------------------------------------------------------
---------꤯
꤅꤯ ꤊꤢ꤬ꤛꤢ꤭ ꤘꤣ ꤢ꤬ ꤥ꤬ꤓꤝꤟꤥ꤭ꤕꤚꤟꤢꤧ꤬ ꤒꤛꤢ꤬ꤟꤤ ꤔꤢ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤒꤥ꤬ ꤔꤌꤣ꤬ꤒꤢ꤬ꤟꤢꤩ꤬ ꤢ꤬ꤒꤟꤢꤧ꤬ꤥ꤬ꤝꤓꤟꤥ꤭ꤕꤚꤟꤢꤧ꤬ ꤘꤣꤞꤢꤨ꤬ꤘꤣꤞꤢꤧ ꤒꤢ꤬ꤊꤛꤢꤩ꤭ ꤔꤌꤣ꤬ ꤢ꤬ꤞꤛꤢ ꤔꤢ ꤗꤢ꤬ꤤ꤭ꤒꤢꤩ꤭? (ꤢꤩꤖꤢꤩꤎꤢꤨ꤬ ꤂:꤁)
---------------------------------------------------------------------------------------------------------------------------------------------------------------------------------------------------
----------꤯
꤆꤯ ꤘꤣ (ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤂꤀:꤂꤁) ꤢ꤬ꤊꤢꤨ꤭ ꤔꤌꤣ꤬ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤥ꤬ꤘꤣ꤬ꤑꤢ꤭ ꤕꤟꤢꤩꤢꤨ꤭ ꤒꤟꤢꤧ꤬ꤚꤤ꤬ꤒꤟꤢꤧ꤬ꤊꤛꤢ꤭ ꤔꤛꤢꤩ꤭ꤡꤣ꤬, ꤔꤌꤣ꤬ ꤗꤢ꤬ꤤ꤭ꤒꤢꤩ꤭?
---------------------------------------------------------------------------------------------------------------------------------------------------------------------------------------------------
----------꤯
ꤊꤢ꤬ꤛꤢ꤭ꤜꤟꤢꤪ꤭꤮ ꤕꤜꤤ꤭ꤗꤢ꤬ ꤢ꤬ ꤗꤟꤢꤩ꤬ ꤜꤟꤢꤪ꤭ ꤟꤢꤪ ꤒꤟꤢꤧ꤬ꤞꤢꤦ, ꤒꤟꤌꤣꤜꤟꤢꤪ꤭ꤟꤢꤪ ꤘꤣ ꤒꤟꤢꤧ꤬ꤞꤢꤦ ꤢ꤬ꤒꤟꤢꤧ꤬ꤕꤣ ꤢ꤬ꤜꤟꤢꤧ꤭, ꤞꤢꤧꤓꤝꤟꤥ꤭ꤕꤟꤚꤢꤧ꤬ ꤞꤛꤢꤩ꤭ꤊꤛꤢ꤭ ꤚꤢꤪ ꤜꤟꤢꤨ꤬ꤒꤢ꤬ꤖꤢ꤭ꤜꤟꤢ꤭ꤊꤛꤢ꤭ ꤟꤢꤪ ꤔꤢ ꤡꤢꤪꤗꤢ꤬ꤚꤛꤢ ꤟꤢꤪ꤯ ꤊꤢ꤬ꤛꤢ꤭ ꤘꤣ ꤢ꤬ꤔꤟꤤꤙꤢꤧ꤬ ꤊꤟꤌꤣ꤭ꤢꤨ꤭ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤣ꤬ꤡꤟꤢꤨꤕꤟꤚꤢꤧ꤬ ꤘꤣ ꤙꤛꤢ꤬ꤡꤢꤧ꤬ꤋꤚꤤ ꤥ꤬ꤒꤥ꤬ ꤒꤢ꤬ꤟꤢꤩ꤬, ꤛꤢꤩ꤭ꤒꤢ꤬ꤓꤢꤦ꤭ꤊꤢ꤬ꤛꤢ꤭ ꤢ꤬ ꤜꤟꤢꤨ꤬ꤒꤢ꤬ꤖꤢ꤭ꤜꤟꤢ꤭ꤊꤛꤢ꤭ ꤟꤢꤪ ꤔꤢ ꤡꤢꤪꤗꤢ꤬ꤚꤛꤢ꤬ ꤟꤢꤪ, ꤢ꤬ꤔꤟꤥ꤬ ꤕꤢ꤭ ꤒꤢ꤬ꤓꤢꤦ꤭ꤙꤢꤧ꤬ꤙꤢꤧ꤬ ꤢ꤬ꤙꤢꤧ꤬ ꤜꤟꤢꤨ꤬ꤒꤢ꤬ꤖꤢ꤭ꤜꤢ꤭ꤊꤛꤢ꤭ ꤟꤢꤪ ꤔꤢ ꤡꤢꤪꤗꤢ꤬ꤚꤛꤢ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤕꤢ꤭꤯
ꤔꤟꤤꤙꤢꤧ꤬ ꤡꤟꤛꤢ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤣ꤬ꤡꤟꤢꤨꤕꤚꤟꤢꤧ꤬ ꤡꤢꤨꤒꤢꤩ꤭?
꤇꤯ꤞꤛꤢꤖꤢꤨ ꤕꤚꤟꤢꤧ꤬ꤥ꤬ꤕꤟꤢꤪ ꤢ꤬ꤕꤟꤥ꤬ ꤊꤢ꤬ꤘꤢ꤭ ꤔꤌꤣ꤬ꤒꤣ꤬ꤕꤚꤟꤢꤧ꤬ ꤊꤟꤢꤦ ꤔꤟꤤꤙꤢꤧ꤬ ꤒꤟꤢꤧ꤬ꤗꤟꤢꤩ꤬ꤏꤤ꤭ꤕꤜꤢꤧꤊꤟꤢ꤬ ꤢ꤬ꤑꤢꤩ꤭ ꤋꤢꤨ꤭ꤕꤢꤪꤜꤢꤨ ꤔꤢꤪ꤭ꤗꤟꤢꤩ꤬ ꤢꤧ꤬ ꤖꤢꤨꤒꤢꤩ꤭?
(ꤕꤚꤟꤢꤧ꤬ꤘꤣ꤬ꤑꤢ꤭ ꤁꤆:꤁꤀, ꤁꤃) ꤔꤛꤥꤓꤢꤩ꤬ ꤜꤤ꤬ꤊꤜꤥ꤭ ꤘꤣ ꤢ꤬ꤒꤥ꤭ ꤔꤌꤣ꤬ ꤒꤣ꤬ꤊꤜꤥ꤭꤯
(ꤊ) ꤔꤢꤪ꤭ꤢꤩ꤬ ꤔꤟꤢꤧ꤬ꤔꤟꤢꤩ ꤘꤣ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤑꤢꤩ꤭ ꤔꤤ꤯
(ꤋ) ꤗꤟꤢꤩ꤬ꤡꤝꤟꤥꤢꤨ꤭ ꤔꤢ ꤒꤟꤢꤧ꤬ꤗꤟꤢꤩ꤬ ꤘꤣ ꤢ꤬ꤚꤛꤢ ꤒꤢ꤬ꤟꤢꤩ꤬ ꤔꤤ꤯
(ꤌ) ꤐꤟꤢꤦꤢꤩ꤬ꤑꤟꤢꤢꤩ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤔꤤ꤯
(ꤍ) ꤕꤜꤝꤥ꤭ꤊꤟꤢ꤬ ꤊꤟꤌꤣ꤭ꤓꤛꤢꤩ꤭ ꤔꤌꤣ꤬ ꤔꤤ꤯
꤈꤯ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢꤪꤜꤟꤛꤢ꤬ ꤘꤣ ꤊꤢ꤬ꤛꤢ꤭ ꤢ꤬ꤐꤟꤢꤦꤢꤩ꤬ ꤜꤢꤨ꤭ ꤔꤌꤣ꤬ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ꤖꤢꤨꤒꤢꤩ꤭?(ꤛꤥ꤭ꤟꤢ꤬ ꤁꤁:꤂꤅)
---------------------------------------------------------------------------------------------------------------------------------------------------------------------------------------------------
----------꤯
꤉꤯ ꤙꤤ ꤕꤟꤢꤧ꤬ꤐꤟꤢꤦꤢꤩ꤬ ꤟꤢꤪ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤢꤧ꤭ ꤕꤟꤢꤧ꤬ꤔꤟꤤ ꤙꤢꤧ꤬ ꤗꤢ꤬ꤤ꤭ꤒꤢꤩ꤭?
(ꤕꤚꤟꤢꤧ꤬ꤘꤣꤑꤢ꤭ꤖꤢꤨ ꤁꤀:꤄꤃)
---------------------------------------------------------------------------------------------------------------------------------------------------------------------------------------------------
----------꤯
꤁꤀꤯ ꤕꤟꤢꤧ꤬ ꤊꤤ꤬ ꤐꤟꤢꤦꤢꤩ꤬ꤑꤟꤢꤢꤩ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤢꤨ ꤚꤢꤪ ꤕꤟꤢꤧ꤬ ꤊꤤ꤬ ꤞꤢꤧꤜꤟꤢꤧ꤬ꤓꤛꤢ꤬ ꤔꤟꤤ ꤢꤧ꤬ ꤟꤢꤩꤚꤢꤪ ꤕꤟꤢꤧ꤬ ꤔꤟꤤꤙꤢꤧ꤬ ꤕꤢ꤭ ꤗꤢ꤬ꤤ꤭ꤒꤢꤩ꤭?(ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤂꤆:꤁꤈)
---------------------------------------------------------------------------------------------------------------------------------------------------------------------------------------------------
----------꤯
ꤒꤟꤢꤧ꤬ꤗꤟꤢꤩ꤬ꤏꤤ꤭ꤕꤜꤢꤧꤊꤟꤢ꤬ ꤔꤌꤣ꤬ꤗꤢ꤬ “ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤛꤢ꤭ ꤔꤌꤣ꤬ꤒꤢ꤬ꤟꤢꤩ꤬ ꤠꤢ꤭ꤐꤟꤢꤦꤢꤩ꤬ ꤠꤟꤢ꤭,” ꤔꤟꤢꤧ꤬ꤞꤢꤧꤕꤜꤢꤪ꤬ ꤒꤥ꤭ ꤊꤟꤌꤣ꤭ ꤕꤚꤢꤧ ꤖꤢꤨꤔꤌꤣ꤬ ꤟꤢꤩꤗꤢ꤬ ꤢ꤬ꤔꤟꤤꤒꤥ꤬꤯ ꤒꤟꤢꤧ꤬ꤗꤟꤢꤩ꤬ꤏꤤ꤭ꤕꤜꤢꤧꤊꤟꤢ꤬ ꤢ꤬ꤍꤟꤥꤜꤢ꤬ꤏꤢ ꤔꤌꤣ꤬ꤗꤢ꤬ ꤒꤢ꤬ꤚꤤꤊꤢꤪꤊꤜꤢꤪ ꤓꤢꤩ꤬ꤡꤛꤣꤒꤢ꤬ꤖꤢ꤭ꤊꤛꤢ꤭ ꤔꤢ ꤒꤟꤢꤧ꤬ꤞꤢꤦ ꤚꤢꤪ ꤐꤟꤢꤦꤢꤩ꤬ꤑꤟꤢꤢꤩ꤬, ꤞꤢꤧꤜꤟꤢꤧ꤬ꤓꤛꤢ꤬ꤔꤟꤤ ꤒꤢꤦ꤮ ꤕꤚꤢꤧ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤔꤌꤣ꤬ꤕꤚꤢꤧ꤯ ꤋꤥ ꤘꤣ ꤢꤨ꤭ ꤗꤟꤢꤩ꤬ꤡꤛꤣꤙꤢꤧ ꤢꤧ꤬ ꤔꤢ ꤜꤟꤛꤢ꤭ꤗꤟꤌꤣ ꤔꤌꤣ꤬ ꤢ꤬ꤋꤥ, ꤢ꤬ꤕꤚꤛꤢꤩ꤭ꤚꤛꤢ ꤜꤢ꤭ ꤢꤨ꤭ ꤊꤟꤢꤦ ꤟꤢꤩ ꤟꤢꤩꤗꤢ꤬ ꤔꤟꤢꤧ꤬ ꤐꤟꤢꤦꤢꤩ꤬ꤕꤚꤢꤧ ꤊꤥ꤭ꤜꤢꤩ꤬꤯ ꤗꤢ꤬ꤔꤢꤚꤢꤪ ꤊꤤ꤬ꤗꤟꤢꤔꤢ ꤔꤟꤢꤧ꤬ꤔꤟꤢꤩ ꤒꤣ꤬ꤕꤚꤟꤢꤧ꤬ꤜꤟꤢꤪ꤭ ꤔꤟꤢꤧ꤬ ꤓꤛꤢ꤬ꤔꤟꤌꤣ꤭ ꤡꤛꤣꤙꤢꤧ ꤒꤛꤢ꤬ꤟꤤ ꤘꤣ ꤋꤥꤜꤟꤥ꤬ ꤒꤥ꤬ ꤟꤢꤩꤗꤢ꤬ ꤕꤟꤢꤧ꤬ ꤟꤢꤩ ꤔꤢ ꤔꤟꤢꤧ꤬ꤐꤟꤢꤦꤢꤩ꤬ ꤔꤛꤢ꤬ꤡꤢꤪ ꤟꤢꤪ ꤋꤥ ꤛꤢꤩ꤭ ꤒꤣ꤬ꤙꤥ꤭ ꤔꤌꤣ꤬ꤗꤢ꤬ ꤢ꤬ꤔꤟꤤꤒꤥ꤬꤯ ꤐꤟꤢꤦꤢꤩ꤬ꤑꤟꤢꤢꤩ꤬ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤚꤢꤪ ꤢꤧꤗꤟꤥ꤬ꤏꤢꤦ꤬ ꤢꤧ꤬ ꤘꤣ ꤞꤢꤧꤕꤜꤢꤪ꤬ꤊꤢꤨ꤭ ꤟꤢꤩꤔꤌꤣ꤬ꤗꤢ꤬- ꤢ꤬ ꤞꤢꤧꤟꤢꤩ ꤔꤢ ꤘꤛꤢꤩꤜꤟꤛꤢ꤬ ꤜꤟꤢꤪ꤭ ꤜꤟꤢꤒꤢ꤬ꤊꤜꤤ꤬ ꤟꤢꤪ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤜꤟꤢꤪ꤭꤮ ꤕꤜꤤ꤭ ꤘꤣ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢ꤬ꤒꤢ꤬ꤋꤢꤨ꤬ꤊꤢꤨ꤭ ꤒꤣ꤬ꤡꤟꤢꤨ꤮ ꤕꤚꤟꤢꤧ꤬ ꤔꤌꤣ꤬ꤟꤢꤪ꤯ ꤔꤟꤢꤧ꤬ ꤊꤤ꤬ ꤞꤢꤧꤜꤟꤢꤧ꤬ꤓꤛꤢ꤬ ꤗꤟꤢꤜꤢ꤬ꤊꤥ꤭ ꤟꤢꤪ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨꤋꤚꤤ ꤟꤢꤪꤗꤢ꤬ ꤡꤢꤪꤗꤢ꤬ꤚꤛꤢ꤬ ꤊꤟꤢꤦ ꤕꤜꤝꤥ꤭ꤊꤛꤢ꤭ꤜꤟꤢꤪ꤭ ꤔꤟꤢꤧ꤬ꤒꤟꤢꤧ꤬ꤞꤢꤦꤒꤟꤢꤧ꤬ꤥ꤬ꤚꤢ꤬ ꤕꤢ꤭, ꤚꤢꤪ ꤔꤟꤢꤧ꤬ ꤊꤟꤢꤦ ꤏꤤ꤭ꤕꤜꤢꤧꤊꤛꤢ꤭ ꤔꤢ ꤒꤟꤢꤧ꤬ꤡꤤ꤬ꤚꤛꤢ꤬ꤕꤢ꤭, ꤓꤌꤣ꤭ꤚꤢꤪ ꤔꤟꤢꤧ꤬ꤔꤟꤤꤙꤢꤧ꤬ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤣ꤬ꤡꤟꤢꤨꤕꤚꤟꤢꤧ꤬ ꤕꤢ꤭꤯
꤁꤁꤯ ꤘꤣ (ꤛꤥ꤭ꤟꤢ꤬ ꤁:꤁꤂-꤁꤃) ꤢ꤬ꤊꤢꤨ꤭ꤔꤌꤣ꤬ ꤔꤟꤢꤧ꤬ ꤊꤤ꤬ ꤐꤟꤢꤦꤢꤩ꤬ꤑꤟꤢꤢꤩ꤬ ꤙꤛꤢ꤬ꤡꤢꤧ꤬ꤋꤚꤤ ꤟꤢꤩꤗꤢ꤬-
(ꤊ) ꤢ꤬ꤞꤛꤢꤔꤢ ꤔꤟꤢꤧ꤬ꤓꤝꤟꤥ꤭ꤓꤛꤢ꤬ ꤟꤢꤪ ---------------------------------------------------꤯
(ꤋ) ꤥ꤬ꤕꤢ꤬ꤡꤟꤢꤧ ꤜꤟꤛꤢ꤬ꤟꤢꤪ ꤖꤢꤨ ------------------------------------------------------------꤯
꤁꤂꤯ ꤗꤢ꤬ꤢꤨ꤭ꤕꤢꤩ꤭ꤒꤢ꤬ꤟꤢꤩ꤬ ꤔꤟꤤꤙꤢꤧ꤬ ꤜꤢ꤬ꤟꤛꤢ꤭ ꤞꤢꤧꤓꤝꤟꤥ꤭ꤕꤚꤟꤢꤧ꤬ꤒꤢ꤬ꤡꤟꤢꤨꤕꤚꤟꤢꤧ꤬ ꤕꤢꤩ꤭?
(꤁ ꤛꤥ꤭ꤟꤢ꤬ ꤁꤅:꤁꤁-꤁꤂)
(ꤊ) ꤔꤟꤢꤧ꤬ꤔꤟꤤꤙꤢꤧ꤬ ꤟꤢꤪ ꤞꤢꤧꤓꤝꤟꤥ꤭ꤕꤚꤟꤢꤧ꤬ ꤒꤣ꤬ꤡꤟꤢꤨꤕꤚꤟꤢꤧ꤬ ꤟꤢꤪ ꤟꤟꤢꤧ꤭?
-------------------------------------------------------------------------------------------------------
(ꤋ) ꤔꤟꤢꤧ꤬ ꤊꤤ꤬ ꤔꤟ
